ალექსანდრე შიმკევიჩი

დაბადების ადგილი: ქ. სანქტ-პეტერბურგი, რუსეთი.

1867-1875წწ. სწავლობდა სანკტ-პეტერბურგის კარლ მაის სახ. სკოლაში, 1883 წელს დაამთავრა სანკტ-პეტერბურგის სამხატვრო აკადემია.

1885-1991წწ. იყო თბილისის საქალაქო არქიტექტორი; 1905-1906წწ. არქიტექტურისა და ხატვის მასწავლებელი თბილისის სამხატვრო სასწავლებელში; ძირითადად მისდევდა რენესანსულ, ბაროკოულ სტილიზაციას (ამ ხაზიდან გადახვევა იშვიათი იყო - "ისლამური სახლი" დ. უზნაძის N19; 1885); ავტორია რევოლუციამდელი თბილისის რამდენიმე უმთავრესი სახაზინო და საზოგადო შენობისა: სასამართლოს შენობა, კონსერვატორია, შოთა რუსთაველის სახ. თეატრი; 1892 წლამდე ხელმძღვანელობდა თბილისის ოპერის თეატრის მშენებლობას; საცხოვრებელი სახლები: პ. ინგოროყვას N6 (1886), დ. ჭონქაძის N8 (სიმკევიჩის საკუთარი სახლი, 1888), დავით აღმაშენებლის პრ., N79 (ანჯელო ანდრეოლეტის ყოფილი სახლი, 1901) და სხვა; 1880-1900 წლების თვალსაჩინო არქიტექტორი, რომელმაც მნიშვნელოვანი კვალი დატოვა თბილისის მშენებლობაში; ეროვნებით პოლონელი.

წყარო: თბილისი: ენციკლოპედია.- თბ., 2002.-გვ.926; კარლ მაის სკოლის მეგობართა საზოგადოება: kmay.ru; 100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ.309

• თბილისის საქალაქო საკრებულო, დეპუტატი (1897-1901)