
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

პავლე შტერნი

Date of birth:	18??
Date of death:	19??
Category:	Architect

Biography

მისი პროექტებით XIX ს. ბოლოს და XX ს. დასაწყისში თბილისში ბევრი კერძო სახლი და რამდენიმე საზოგადო დანიშნულების ნაგებობა აშენდა; თბილისში ჩამოვიდა 1870 იანი წლების მიწურულს; იყო თბილისის საოპერო თეატრის შენობის ავტორის არქიტექტორ ვ. შრეტერის თანაშემწე და 1882 წლამდე მშენებლობასაც ხელმძღვანელობდა, შემდეგ ხელი მიჰყო დამოუკიდებელ დაპროექტებასა და მშენებლობას; ის ეპოქის დამახასიათებელი ფიგურაა; მის ნამუშევრებში ეკლექტიზმი ჩანს: "აგურის გოტიკის" ყაიდაზეა აშენებული საცხოვრებელი სახლი დავით აღმაშენებლის პროსპექტისა და ბაქოს ქუჩის კუთხეში (1893); ხოლო "ისლამური" სტილიზაციისაა მისი საკუთარი სახლი დავით აღმაშენებლის პროსპექტისა და ი. კრილოვის ქუჩის კუთხეში (1893-1894), ამავე ჯგუფს მიეკუთვნება მერიის შენობის ფასადიც. მაგრამ მის შემოქმედებაში უმთავრესი ადგილი მაინც რენესანსულ-ბაროკოულ სტილიზაციას უჭირავს; მისი დანერგილია ნაძერწი სამკაულებით, მრავალი არქიტექტორული დეტალითა და პროფილით გადატვირთული ფასადები, რომლებიც დიდად მომრავლდა თბილისში 1880 -იან და განსაკუთრებით 1890-იან წლებში; სხვა ნამუშევრები: საცხოვრებელი სახლები დავით აღმაშენებლის პრ., 117 (1894; ფასადი ახლად გადაკეთებულია), ა. გრიბოედოვისა და ა. ჭავჭავაძის ქუჩების კუთხეში (1897).

წყარო: თბილისი: ენციკლოპედია.- თბ., 2002.-გვ.928