ივანე მესხი

დაბადების ადგილი: სოფელი რიონი, წყალტუბოს რაიონი.

ქუთაისის გიმნაზიის დამთავრების შემდეგ, 1869 წელს შევიდა პეტერბურგის ქირურგიიის აკადემიაში. 1871 წლიდან სწავლობდა ჯერ ციურიხის უნივერსიტეტის სამედიცინო ფაკულტეტზე, შემდეგ კი ციურიხისავე პედაგოგიურ ინსტიტუტში, რომლის დამთავრების შემდეგ დაბრუნდა სამშობლოში.

ერთხანს ქუთაისში მასწავლებლობდა, შემდეგ ქალაქის თვითმმართველობის წევრი და გამგეობის მდივანი გახდა. 70-იანი წლებიდან თანამშრომლობდა "დროებასა" და "კრებულში". 1888 წლიდან ბათუმში ქალაქის თვითმმართველობის მდივანი იყო. იღწვოდა კულტურული ცხოვრების აღორძინებისათვის, აჭარაში სწავლა-განათლების გავრცელებისათვის. მას ეკუთვნის ვრცელი ნაშრომი "ბათუმის საქალაქო მეურნეობის განვითარების ნარკვევი"(რუსულ ენაზე), გოგოლის, დობროლიუბოვის, ნეკრასოვის თხზულებათა თარგმანები და სხვა. საზოგადო მოღვაწე. 

წყარო: ქართული საბჭოთა ენციკლოპედია: ტ. 6.-თბ., 1983.-გვ.602; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.72