გიორგი ჩახავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1949 წელს. 

1967-1971წწ. იყო საქართველოს სსრ მინისტრთა საბჭოსთან არსებული საავტომობილო გზების მთავარი სამმართველოს უფროსის მოადგილე და მთავარი არქიტექტორი; ნამუშევრები: თბილისში - ავტოგზების სამინისტროს შენობა არქიტექტორ ზ. ჯალაღანიძესთან ერთად (საინჟინრო კორპუსი 1976; სსრკ მინისტრთა საბჭოს პრემია, 1981); ავტორია განხორციელებული პროექტებისა ყოფილი საბჭოთა კავშირის რესპუბლიკებში და ავღანეთში; მისი ხელმძღვანელობით დამუშავდა და დაინერგა მშენებლობაში ანაკრები "უნივერსალური სამშენებლო ელემენტები" და არმოცემენტის კვერცხისებური სივრცითი კონსტრუქცია.

წყარო: თბილისი: ენციკლოპედია.- თბ., 2002.-გვ.932; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.101

• აღმოსავლეთის ქვეყნების არქიტექტორთა საერთაშორისო აკადემია, აკადემიკოსი

• 1998 - ღირსების ორდენი
  ქართული არქიტექტურის განვითარებაში შეტანილი დიდი პირადი წვლილისა და ნაყოფიერი საზოგადოებრივი საქმიანობისათვის
• 1971 - საქართველოს დამსახურებული არქიტექტორი
• მედალი "1941-1945 წლებში დიდ სამამულო ომში მონაწილეობისთვის"
• საქართველოს არქიტექტორთა კავშირის მედალი
  განსაკუთრებული დამსახურებისთვის არქიტექტურაში