თამარი

XII საუკუნის მოღვაწე, დავით IV აღმაშენებლის ასული. 1105/1106 წელს დავითმა იგი შირვან-შაჰ მანუჩაჰრ II-ს მიათხოვა. ეს ნაბიჯი გამიზნული იყო შირვან-შაჰთან კეთილი დამოკიდებულების დასამყარებლად და მის ჩასაბმელად თურქ-სელჩუკთა წინააღმდეგ ბრძოლაში. ქმრის–შირვან-შაჰის გარდაცვალების შემდეგ თამარი სამშობლოში დაბრუნდა, ააგო თიღვის მონასტერი და იქვე აღიკვეცა მონაზვნად. იხსენიება მონასტრის მთავარი ნაგებობის–ღვთისმშობლის მიძინების ტაძრის ფასადის წარწერებში. იყო ძმისშვილის-გიორგი III-ის გამზრდელი.

წყარო: საქართველო: ენციკლოპედია: ტ.III.–თბ., 2014.-გვ.458