რეზო ჭანიშვილი

დაბადების ადგილი: ქ. ქობულეთი.

ცეკვა დაიწყო აჭარის მოსწავლე–ახალგაზრდობის სასახლეში გ. ჩიხლაძის ხელმძღვანელობით; 1955–1956წწ. იყო აჭარის სიმღერისა და ცეკვის ანსამბლის, ქართული ცეკვის თვითმოქმედი ანსამბლის(ქორეოგრაფი გ. დარახველიძე) მოცეკვავე; 1963–1970წწ. მუშაობდა ბათუმის სხვადასხვა ანსამბლებში, მოსწავლე–ახალგაზრდობის კულტურის სახლის ხელმძღვანელი და მთავარი ქორეოგრაფი; 1974 წლიდან თბილისის ხალხური ცეკვის სახელმწიფო სკოლა–სტუდიის დირექტორის მოადგილე და ცეკვების დამდგმელი; 1975–1978წწ. თბილისის საქალაქო, რესპუბლიკური, საერთაშორისო ღონისძიებების მთავარი ქორეოგრაფი; 1978–1980წწ. დამასკოში (სირია) ცეკვის სახელმწიფო ანსამბლის კონსულტანტი; 1980–1983წწ. ჯ. ჭკუასელთან ერთად საფუძველი ჩაუყარა ქუთაისის სიმღერისა და ცეკვის ანსამბლს; 1981 წელს დააარსა ცეკვის სახელმწიფო სკოლა–სტუდია, იყო მისი პირველი დირექტორი; 1983 წელს თბილისის პიონერთა სასახლეში პედაგოგი; დააარსა ქორეოგრაფიული ანსამბლი "მერანი", (გასტროლები 30–მდე ქვეყანა, მრავალი ფესტივალისა და კონკურსის ლაურეატი); საქართველოს ქორეოგრაფიულ მოღვაწეთა ერთ–ერთი დამფუძნებელი; თბილისის ე. თაყაიშვილის სახელობის კულტურისა და ხელოვნების უნივერსიტეტის პროფესორი, უნივერსიტეტთან არსებული ფოლკლორული კომპლექსის კვლევის ცენტრის ხელმძღვანელი; არის ჰელსინკის ახალგაზრდობის და სტუდენტთა მსოფლიო ფესტივალიი პირველი ხარისხის მედლის, დიპლომისა და ოქროს მედლის მფლობელი (1962), ინდივიდუალურ შემსრულებელთა რესპუბლიკური კონკურსის ლაურეატი, ცეკვა "ქართულის" შესრულებისთვის (1972). ცეკვების დადგმები: ბათუმი, ქუთაისი, თბილისი (დრამატულ თეატრებში, კინოფილმებში). ქორეოგრაფი-ქორეოლოგი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ.566; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.337

• 1997 - ღირსების ორდენი
• 1996 - ღირსების მედალი
  მოსწავლე ახალგაზრდობის აღზრდისა და ქართული კულტურის განვითარების საქმეში მიღწეული წარმატებისათვის
• 1980 - საქართველოს ხელოვნების დამსახურებული მოღვაწე