ეკატერინე ფორაქიშვილი-სარაჯიშვილი

დაბადების ადგილი: ქ. თბილისი.

ქართველი მეცენატის, ქველმოქმედის, საზოგადო მოღვაწის დავით სარაჯიშვილის მეუღლე. საფუძვლიანად შეისწავლა რუსული, ინგლისური და გერმანული ენები, რაც მას ეხმარებოდა საქართველოში ჩამოსულ ევროპელებთან საქმიან ურთიერთობაში. დავით სარაჯიშვილთან საკუთარი ბედის დაკავშირებამ მას უამრავი მეგობარი და თანამოაზრე შესძინა. რუსეთის იმპერიისა და პირველი რესპუბლიკის წლებშიც მათი ოჯახი ნაციონალური იდეის განვითარების, საგანმანათლებლო მოძრაობისა და ქართული კულტურის პოპულარიზაციის ასპარეზად გადაიქცა. დავით სარაჯიშვილის გარდაცვალების შემდეგ, ეკატერინე გახდა ოჯახის მდიდარი მეურნეობის, წარმოების და საქველმოქმედო საქმიანობის მთავარი ორგანიზატორი. რამდენიმე წელიწადში კი მან სამი მილიონი უანდერძა ქართული კულტურის ინსტიტუციებს. ამავე ანდერძში ეკატერინემ მიუთითა, რომ ორი მილიონის ღირებულების ქარხნები და დაწესებულებები მათი ლიკვიდაციის შემდეგ წერა-კითხვის გამავრცელებელ, ისტორიულ-ეთნოგრაფიულ და თბილისის დრამატულ საზოგადოებებს უნდა გადასცემოდა. ქართველი საზოგადო მოღვაწე, მეცენატი. 

წყარო: http://www.feminism-boell.org/ka/2014/06/13/ekaterine-porakishvili-sarajishvili-0