გიორგი ჩიქოვანი

დაამთავრა თბილისის სახელმწიფო უნივერსიტეტი 1950 წელს.

1950 წელს მუშაობა დაიწყო საქართველოს მეცნიერებათა აკადემიის ე. ანდრონიკაშვილის სახ. ფიზიკის ინსტიტუტში; 1956-1968წწ. ხელმძღვანელობდა ინსტიტუტის კვლევის რადიოფიზიკური მეთოდების ლაბორატორიას, 1959-1962წწ. იყო ამავე ინსტიტუტის დირექტორის მოადგილე; მისი შრომები ძირითადად ეხება "უცნაური" ნაწილაკებისა და მძიმე ბოზონური რეზონანსების თვისებათა კვლევას; მან განავითარა ელემენტარული ნაწილაკების რეგისტრაციისა და ექსპერიმენტული მასალის დამუშავების მეთოდიკა; 1965 წელს მიიწვიეს ევროპის ბირთვული კვლევის ცენტრში (CERN, ჟენევა), სადაც მან ორი წელი დაჰყო; არის საქართველოს მეცნიერებათა აკადემიის ფიზიკის ინსტიტუტის კოსმოსური სხივების მაღალმთიანი სადგურის (ცხრაწყაროს) ერთ-ერთი დამაარსებელი (სადგური მისი სახელობის იყო); 1972 წელს გამოიცა მისი რჩეული შრომები (რუსულ ენაზე); ნაპერწკლოვანი სტრიმერული კამერის (ელემენტარული ნაწილაკების სარეგისტრაციო ხელსაწყო) ერთ-ერთი შემქმნელი; ფიზიკა-მათემატიკის მეცნიერებათა დოქტორი (1970, ხარისხი მიანიჭეს გარდაცვალების შემდეგ).

წყარო: თბილისი: ენციკლოპედია.- თბ., 2002.-გვ.935

• 1970 - ლენინური პრემია (გარდაცვალების შემდეგ)

• Избранные труды (ავტორი). - Тбилиси, Мецниереба, 1972. - 335с.
• Развитие метода искровых камер и поиски тяжелых бозонных резонансов (ავტორი). - Тбилиси, ТГУ, 1968. - 140с.