მედეა ჩიხლაძე

დაბადების ადგილი: ქ. ბათუმი.

დაამთავრა თბილისის სახელმწიფო სამხატვრო აკადემია 1954 წელს.

1955-1960წწ. მუშაობდა მხატვრად საბურთალოს რაიონის აგურის ქარხნის კერამიკულ საამქროში; 1961 წლიდან მოღვაწეობს სამხატვრო აკადემიაში. მან შეიმუშავა და სათავეში ჩაუდგა ბატიკის ყველა სახეობას, აღზარდა მრავალი მხატვარი, რომლებიც მონაწილეობენ საერთაშორისო გამოფენებში; საინტერესო ნამუშევრები აქვს აგრეთვე კერამიკაში და ტრიკოტაჟის ხელოვნებაში: სერვიზი "ქორწილი", ძველი თბილისის მოტივები (თიხა, ჭიქური, 1966, მხატვრის კუთვნილებაა), პანო "ძველი თბილისი" (მაღაზია "ციცინათელა", 1970) და სხვა; მხატვარი-კერამიკოსი; არის პრაღის საერთაშორისო გამოფენის დიპლომის (1962) და ვილნიუსის საერთაშორისო სიმპოზიუმის დიპლომის (1975) მფლობელი. საქართველოში ბატიკის ხელოვნების დამფუძნებელი, პროფესორი (1991).

წყარო: თბილისი: ენციკლოპედია.- თბ., 2002.-გვ.936; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.282

• 1998 - ღირსების მედალი
  ქართული სახვითი ხელოვნების განვითარებაში, მის პოპულარიზაციაში შეტანილი პირადი დიდი წვლილისა და ნაყოფიერი პედაგოგიური მოღვაწეობისათვის
• 1967 - საქართველოს დამსახურებული მხატვარი