ნიკო მთვარელიშვილი

დაბადების ადგილი: სოფელი ურიათუბანი (ახლანდელი ვაზისუბანი), გურჯაანის რაიონი.

პეტერბურგის სასულიერო აკადემიის დამთავრების შემდე, 1876 წლიდან თელავის სასულიერო სასწავლებელში მუშაობდა. 1884 წელს დაითხოვეს სამსახურიდან პროგრესული იდეების ქადაგებისათვის. ერთხანს ქართულ ლიტერატურასა და ისტორიას ასწავლიდა თბილისის სათავადაზნაურო სკოლაში. აქტიურად თანამშრომლობდა ქართულ ჟურნალ-გაზეთებში. მისი ნაშრომებიდან აღსანიშნავია "ანტონ I, საქართველოს კათოლიკოსი" ("ივერია", 1879), "თელავის სემინარია და პირველი მისი რექტორი გაიოზ ნაცვლიშვილი" ("ივერია", 1881), "მეფე ირაკლის დროის წერილები" ("მოამბე", 1894), "კატალოგი წიგნთსაცავისა ქართველთა შორის წერა-კითხვის გამავრცელებელი საზოგადოებისა" (გამოიცა 1887) და სხვა.

წყარო: ქართული საბჭოთა ენციკლოპედია: ტ. 6.-თბ., 1983.-გვ.667; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.487

• ქართველთა შორის წერა-კითხვის გამავრცელებელი საზოგადოება, მდივანი

• თხზულებანი (ავტორი). - თბილისი, 2010. - 276გვ.. - ISBN: 978-9941-0-0339-4
• კატალოგი წიგნთსაცავისა. ქართველთა შორის წერა-კითხვის გამავრცელებელი საზოგადოებისა (შემდგენელი) // ნაწ. 1 : ქართული განყოფილება. - ტფილისი, ექ. ხელაძის სტ., 1887. - 128გვ.