გივი ჩოხელი

დაბადების ადგილი: ქ. თელავი.

დაამთავრა საქართველოს სასოფლო-სამეურნეო ინსტიტუტი 1960 წელს.

1956-1963წწ. იყო თბილისის "დინამოს" მცველი; უმაღლეს ლიგაში ჩაატარა 159 მატჩი (4 გოლი), სსრკ ნაკრებში - 19 მატჩი; 1962 წელს მსოფლიო ჩემპიონატის მონაწილე; 4-ჯერ დაასახელეს სსრკ 33 საუკეთესო ფეხბურთელის სიაში; 1969-1970წწ. და 1974 წელს იყო თბილისის "დინამოს" უფროსი მწვრთნელი; ერთ-ერთი საუკეთესო მცველი საბჭოთა ფეხბურთის ისტორიაში; გამოირჩეოდა კორექტულობით, საზრიანობით, დახვეწილი ტექნიკით, მეტოქის ჩანაფიქრის ამოცნობის შესაშური ალღოთი, ბრწყინვალედ თამაშობდა თავით; სპორტის სახეობა: ფეხბურთი.

წყარო: თბილისი: ენციკლოპედია.- თბ., 2002.-გვ.937

• 1965 - სსრკ სპორტის დამსახურებული ოსტატი
• 1962 - სსრკ ჩემპიონატი, მესამე პრიზიორი
• 1960 - ევროპის ჩემპიონი
• 1959 - სსრკ ჩემპიონატი, მესამე პრიზიორი