თამარი (ქართლის დედოფალი)

მეფე დავით X-ის მეუღლე, ლუარსაბ I-ის დედა. 1554 წელს ქართლის სამეფოს წინააღმდეგ ერთ-ერთი ლაშქრობის დროს ატენის ციხეში თავშეფარებული თამარი დაატყვევა ირანის შაჰმა თამაზ I-მა და სხვა 30 ათას ტყვესთან ერთად სპარსეთში გაგზავნა. ტყვეობასა და სამარცხვინო სიცოცხლეს თამარმა სიკვდილი ამჯობინა და გზაში თავი მოიწამლა. ქართულ ისტორიოგრაფიაში თამარს ხშირად ნესტან-დარეჯანს უწოდებდნენ. ბოლო დროს უპირატესობა თამარს ეძლევა. 

წყარო: საქართველო: ენციკლოპედია: ტ.III.–თბ., 2014.-გვ.461