ლარიკ ჭეიშვილი

დაბადების ადგილი: ქ. მოსკოვი.

დაამთავრა მოსკოვის გნესინების სახელობის მუსიკალური სასწავლებელი 1951 წელს, მოსკოვის კონსერვატორია 1956 წელს(ვიოლონჩელო).

1956 წელს დაბრუნდა სამშობლოში, დაიწყო აქტიური საშემსრულებლო და პედაგოგიური მოღვაწეობა; 1956–1966წწ. იყო საქართველოს სახელმწიფო ფილარმონიის სოლისტი; 1957 წელს მის მიერ დაარსებული საქართველოს ტრიოს(რ. ასტახიშვილი – ფორტეპიანო, გ. ოქროპირიძე – ვიოლინო, ი. ჭეიშვილი – ვიოლონჩელო) წევრი და სამხატვრო ხელმძღვანელი; 1961–1992წწ. ვანო სარაჯიშვილის სახელობის თბილისის სახელმწიფო კონსერვატორიის პედაგოგი(ვიოლონჩელო), 1968 წლიდან დოცენტი, 1973 წლიდან სიმებიანი კათედრის გამგე და საორკესტრო ფაკულტეტის დეკანი, 1977 წლიდან პროფესორი; სსრკ მრავალი ქალაქის(ერევანი, ბაქო, რიგა, ვილნიუსი, ლვოვი, კიევი) კონსერვატორიაში სახელმწიფო გამოცდების თავმჯდომარე; მასტერკლასები: საქართველო, ერევანი, ბაქო, სოფია, პრაღა, ბუდაპეშტი, ქაირო; მრავალი საკავშირო კონკურსის ჟიურის წევრი; 1978 წელს პეტრე ჩაიკოვსკის სახელობის საერთაშორისო კონკურსის საორგანიზაციო კომიტეტის წევრი; 1972 წელს მისი თაოსნობით თბილისში ჩატარდა მ. როსტროპოვიჩის კონცერტი ციკლი, რომელიც სსრკ–დან მის გაძევებამდე უკანასკნელი აღმოჩნდა; იმავე წელს მან საქართველოს ტელევიზიით გააკეთა მ. როსტროპოვიჩისადმი მიძღვნილი ვრცელი გადაცემა; 1992–2007წწ. იყო კაიროს(ეგვიპტე) კონსერვატორიის პროფესორ–ექსპერტი; ქართული რეპერტუარი: ს. ცინცაძე, ს. ნასიძე, ა. შავერზაშვილი, ა. მაჭავარიანი, ტ. ბაქრაძე, რ. ლაღიძე – ნაწარმოებების პირველი შემსრულებელი, ნ. გუდიაშვილი სამმაგი კონცერტი(1964, პირველი შესრულება საქართველოს ტრიოსთან ერთად), ს. ნასიძე საფორტეპიანო ტრიო(1970, პირველი შესრულება), ტ. ბაქრაძე ვიოლონჩელოს სონატა(1970, პირველი შესრულება), ა. შავერზაშვილი ვიოლონჩწელოს სონატა; სოლო კონცერტი: "კლასიკა და თანამედროვეობა", სადაც კლასიკურ მუსიკასთან ერთად სრულდებოდა ქართული მუსიკა; სხვა რეპერტუარი, კონცერტები: სენ–სანსი, ხაჩატურიანი, ჩაიკოვსკი; გასტროლები: სსრკ, პოლონეთი, ბულგარეთი, ჩეხოსლოვაკია, ბელგია, ეგვიპტე; ვიოლონჩელისტი, ანსამბლისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 566

• 1962 - საქართველოს დამსახურებული არტისტი