ჰაირი ჰაირიოღლუ

დაბადების ადგილი: სოფელი ჰაირიე, ინეგოლი, თურქეთი.

სტამბოლის ილდიზის პოლიციის სკოლის დასრულების შემდეგ წლების განმავლობაში, 1982 წლამდე მუშაობდა თურქეთის სამოქალაქო თავდაცვის სფეროში სხვადასხვა თანამდებობაზე. პარალელურად ეწეოდა სამეცნიერო და საზოგადოებრივ საქმიანობას; აგროვებდა თურქეთის ქართველების ფოლკლორულ ნიმუშებს, იკვლევდა მუჰაჯირობის ისტორიას; 1968 წელს აჰმედ ოზქანთან ერთად გამოსცა წიგნი "გურჯისტანი"; თურქულად თარგმნა იაკობ გოგებაშვილის "იავნანამ რა ჰქმნა?!", მოამზადა, თარგმნა და ორ ტომად გამოსცა "ქართული საბავშვო ზღაპრები", ასევე მუჰამედ ვანილიშისა და ალი თადილავას "ლაზების ისტორია" (1992), ივანე ჯავახიშვილის, ნიკო ბერძენიშვილისა და სიმონ ჯანაშიას შრომების მიხედვით მომზადებული "საქართველოს ისტორია" (1997) და სხვ. რამდენიმეჯერ ეწვია საქართველოს, პირველად 1977 წელს. თურქეთში მოღვაწე ქართველი მეცნიერი და საზოგადო მოღვაწე, აჭარელ მუჰაჯირთა შთამომავალი.

• 2001 - ღირსების ორდენი