თეკლე ბატონიშვილი

ერეკლე II-ის უმცროსი ასული - "თეკლა ბიჭი", პოეტების ა. ორბელიანისა და ვ. ორბელიანის დედა. გათხოვილი იყო ვახტანგ ორბელიანზე. იყო იმდროინდელი საზოგადოებრივ - პოლიტიკური ცხოვრების აქტიური მონაწილე. 1832 წლის შეთქმულებაში მონაწილეობისათვის გადაასახლეს ქ. კალუგაში (რუსეთი). თბილისში დაბრუნების შემდეგ მისი სახლი კულტურულ - შემოქმედებითი ცხოვრების ერთ-ერთ კერად იქცა. თეკლე ბატონიშვილის ლექსებში ასახულია ბაგრატიონთა  დიდების დაკარგვით, ცხოვრების ჩარხის უკუღმა ბრუნვითა და პატიმრის მძიმე ხვედრით გამოწვეული სევდა.

წყარო: ქართული საბჭოთა ენციკლოპედია: ტ. 4.- თბ., 1979.- გვ.644; საქართველო: ენციკლოპედია: ტ. IV. -თბ., 2018. -გვ. 21-22; naec.ge; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.46; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.40