ნიკოლოზ თარხან-მოურავი

დაამთავრა პეტერბურგის მიმოსვლის გზათა კორპუსის ინსტიტუტი.

მოღვაწეობდა XIX საუკუნის 50–60-იან წლებში თბილისსა და კავკასიაში. ხელმძღვანელობდა თბილისის ვორონცოვის (ახლანდელი ზაარბრიუკენის) სახელობის ხიდის მშენებლობას, 1852–1855 წლებში მიმოსვლის გზათა კორპუსის VIII ოლქის(თბილისში) ერთ-ერთ განყოფილებას. უფრო გვიან იყო ერევნის დისტანციის უფროსი, ხოლო 50–60-იანი წლების მიჯნაზე–სამუშაოთა უფროსი დაღესტნის ხაზზე. ააგო ექვსი ხიდი ალაზანზე. იყო ქუთაისის გუბერნიის არქიტექტორი (1869–1870), 1871 წლიდან მუშაობდა მოსკოვი–ბრესტის რკინიგზის ინსპექციაში. გზების მშენებელი ინჟინერი.

წყარო: საქართველო: ენციკლოპედია: ტ.III.–თბ., 2014.-გვ.476