ეთერ ჭყონია-ლამორისი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1990 წელს(ვოკალური).

1982–1983წწ. იყო ზ. ფალიაშვილის სახელობის თბილისის ოპერისა და ბალეტის თეატრის მსახიობი; 1983–1984წწ. გუნდის მსახიობი; 1992 წელს ჩაირიცხა მადრიდის ვოკალის უმაღლეს სკოლაში, პარალელურად მასტერკლასები რ. სკოტოსგან, მოგვიანებით ვენაში, ცნობილი მომღერლისა და პედაგოგის რუტილდა ბიოშის კლასში დახვეწა ვოკალური ტექნიკა; დებიუტი შედგა თბილისის ოპერისა და ბალეტის თეატრში დეზდემონას პარტიით(ვერდი "ოტელო") ზურაბ სოტკილავასთან ერთად; 1992 წლიდან მოღვაწეობს ესპანეთში; 2013 წელს ავსტრიის ქალაქ გრაცში დააარსა(ნ. ჭყონიასთან ერთად) ვოკალისტთა საერთაშორისო კონკურსი Academia Belcanto, კონკურსზე დაწესდა ზ. ფალიასვილის სახელობის პრემია; მართავს მასტერკლასებს ავსტრიაში, პორტუგალიაში, ესპანეთში, საფრანგეთში, ჩინეთში, ჰონგ–კონგსა და უკრაინაში; მისი პარტნიორები არიან მსოფლიოში სახელმგანთქმული მომღერლები: ზ. სოტკილავა, ლ. ათანელი, პლასიდო დომინგო, ჯორჯო ზანკანა, კარლოს ალვარესი, კრისტა ლუდვიგი, ილდიკო რაიმონდი, ანგელიკა კირშლაგერი, ხოსე კარერასი, კრისტოფ ლოი, პაოლო კონი, ენრიკო სტინკელი, პაულ ადელმანი; დირიჟორები: დ. ბარენბოიმი, ა. ფიშერი, ი. ბაშმეტი; რეჟისორი ფ. ძეფირელი; მონაწილეობს მსოფლიოს პრესტიჟულ ფესტივალებში, გამოდის მსოფლიოს წამყვან სცენებზე; ქართული რეპერტუარი: მარეხი(ზ. ფალიაშვილი "აბესალომ და ეთერი"), ქეთო(ვ. დოლიძე "ქეთო და კოტე"); სხვა რეპერტუარი: ვიოლეტა, ჯილდა, ოსკარი(ვერდი "ტრავიატა", "რიგოლეტო", "ბალ–მასკარადი"), ევრიდიკე(გლუკი "ორფევსი და ევრიდიკე"), ადინა, ლუჩია(დონიცეტი "სიყვარულის ნექტარი", "ლუჩია დი ლამერმური", 1999, "L'opera internazionale Milano"-ს მიერ აღიარებულია წლის საუკეთესო ლუჩიად), ჯულიეტა(გუნო "რომეო და ჯულიეტა", 1997, "Opera international Paris"-ის მიერ აღიარებულია წლის საუკეთესო ჯულიეტად), ელვირა, ჯულიეტა(ბელინი "პურიტანები", "მონტეკები და კაპულეტები"), ნედა(ლეონკავალო "ჯამბაზები", "ლა სკალა", ფრანკო ძეფირელის დადგმა), ლიუ(პუჩინი "ტურანდოტი"); 2012 წელს შვედეთის პრინცესა ქრისტინა მაგნუსის მიერ გადაეცა შვედეთის ხელოვნების სამეფო ოქროს ორდენი, "ჩვენი დროის უდიდესი მომღერალი"; საოპერო მომღერალ ლ. ჭყონიას ქალიშვილი და მოწაფე; საოპერო მომღერალი, სოპრანო.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 574

• 2012 - სტოკჰოლმის სამეფო სასახლის პრიზი, "Greatest Singer of our tiame"(ჩვენი დროის უდიდესი მომღერალი"
• 1993 - გაზეთი "Avanguardia"-ს პრიზი, "21 საუკუნის საუკეთესო ვიოლეტა" (ესპანეთი)
• 1991 - რ. ვინიასის სახელობის კონკურსი, III პრემია (ბარსელონა)
• 1990 - ვ. დოლიძის სახელობის კონკურსი, I პრემია (თბილისი)
• ერთ–ერთი საუკეთესო ხმის მფლობელის საპატიო წოდება