ალექსანდრე მითაიშვილი

დაბადების ადგილი: სოფელი ჯუმათი, ოზურგეთის რაიონი.

დაამთავრა მოსკოვის საგეგმო-ეკონომიკური ინსტიტუტი 1934 წელს.

1940 წლიდან სსრკ საგეგმო კომიტეტში მუშაობდა ტრანსპორტის  განყოფილების უფროსად. 1953-1969 წლებში საწყალოსნო ტრანსპორტის ეკონომიკისა და ექსპლოატაციის სამეცნიერო-კვლევითი ინსტიტუტის ხელმძღვანელია, ხოლო 1970 წლიდან მუშაობდა სსრკ საგეგმო კომიტეტთან არსებული კომპლექსური სატრანსპორტო პრობლემების ინსტიტუტის დირექტორის მოადგილედ. მისი შრომები ეხება ტრანსპორტის განვითარების ეკონომიკურ პრობლემებს. 8 მონოგრაფიისა და სახელმძღვანელოს ავტორია. ეკონომიკის მეცნიერებათა დოქტორი (1964), პროფესორი (1965).

წყარო: ქართული საბჭოთა ენციკლოპედია: ტ. 6.-თბ., 1983.-გვ.681 

• 1980 - რსფსრ მეცნიერების დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი (2 ორდენი)
• წითელი ვარსკვლავის ორდენი (2 ორდენი)