მითრიდატე VI

ქართლის მეფე V საუკუნის 10-20- იან წლებში, მეფე ფარსმან IV-ის ძმა. "ქართლის ცხოვრება" მას ახასიათებს, როგორც გულად მეომარს, რომელიც ნაკლებ ზრუნავდა ეკლესიებსა და საღმრთო საქმეებზე და უფრო მეტად გარეშე მტრებთან - ბერძნებთან და სპარსელებთან ომით იყო გართული. სპარსელებს მან შეუწყვიტა ხარკის მიცემა, ხოლო ბერძენთაგან (ბიზანტიელთაგან) კლარჯეთის გამოხსნას ცდილობდა. სპარსეთის დამსჯელმა ლაშქარმა გარდაბანთან დაამარცხა მითრიდატე VI, იგი დაატყვევეს და თან წაიყვანეს. გარდაიცვალა ტყვეობაში.

წყარო: ქართული საბჭოთა ენციკლოპედია: ტ. 6.-თბ., 1983.-გვ.683