მითრიდატე VII

ქართლის მეფე 426–438. მეფე არჩილის ძე, ვახტანგ გორგასლის მამა. "ქართლის ცხოვრება" მირდატს მოიხსენიებს როგორც ქრისტიანული ეკლესიის ერთგულ მსახურს. იგი ებრძოდა სპარსელებს. მირდატს მოიხსენიებს "მოქცევაჲ ქართლისაჲს" ქრონიკაც. მან ცოლად შეირთო ქართლისა და ალბანეთის მარზპანის, ბარზაბოდის ასული საგდუხტი. ქორწინების შემდეგ მირდატმა მამისგან მიიღო სამშვილდე საერისთავო ქვეყნით. საგდუხტი გაქრისტიანდა და ააგო სამშვილდის სიონი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.683; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge