მიხეილ ცხაკაია

დაბადების ადგილი: ქ. ქუთაისი. 

დაამთავრა მოსკოვის უნივერსიტეტის სამედიცინო ფაკულტეტი 1914 წელს.

1932-1946წწ. ერთდროულად იყო თბილისის სამედიცინო და ექიმთა დახელოვნების ინსტიტუტის სამხედრო-საველე კათედრის გამგე; 1944 წლიდან გარდაცვალებამდე განაგებდა ექიმთა დახელოვნების ინსტიტუტის ორთოპედიის კათედრას; სსრკ-გერმანიის ომის პერიოდში იყო სპეციალიზებული ევაკოჰოსპიტლების კონსულტანტი; 1932 წელს რესპუბლიკურ ცენტრალურ კლინიკურ საავადმყოფოში მისი ხელმძღვანელობით გაიხსნა საქართველოში პირველი ორთოპედიულ-ტრავმატოლოგიური კათედრა, რომლის ბაზაზე 1946 წელს დაარსდა ორთოპედიისა და აღდგენითი ქირურგიის სამეცნიერო-კვლევითი ინსტიტუტი სამამულო ომის ინვალიდებისათვის, რომლის დირექტორი იყო 1950 წლამდე; შეისწავლა თეორიული და კლინიკური ქირურგიის ორთოპედიისა და ტრავმატოლოგიის , აგრეთვე დესმურგიისა და სხვა საკითხებს, შემოიღო პოლიომიელიტის ნარჩენი მოვლენების ოპერაციული მკურნალობის ორიგინალური მეთოდები; მიღებული აქვს სახელმწიფო ჯილდოები; გამოჩენილი ორთოპედ-ტრავმატოლოგი, მეცნიერული ორთოპედიის ფუძემდებელი საქართველოში; პროფესორი (1935); მედიცინის მეცნიერებათა დოქტორი.

სადისერტაციო თემა - "ქუსლის ძვლის დახურული მოტეხილობა" (1949). 

წყარო: თბილისი: ენციკლოპედია.- თბ., 2002.-გვ.952

• 1943 - საქართველოს დამსახურებული ექიმი