სილიბისტრო ჯიბლაძე

დაბადების ადგილი: ოზურგეთის მაზრა.

დაამთავრა ოზურგეთის სასულიერო სასწავლებელი 1878 წელს; სწავლობდა თბილისის სასულიერო სემინარიაში.

1884 წელს სემინარიიდან გარიცხეს რუსი რექტორის ფიზიკური შეურაცხყოფისათვის და 2 წლით დისციპლინარულ ბატალიონში გაამწესეს; 1894 წლის 7 მაისს ეგნატე ნინოშვილის  დასაფლავებაზე წარმოთქვა ნოე ჟორდანიას მიერ მომზადებული "მესამე დასის" პროგრამა; მონაწილეობდა 1905-1907 წლების რევოლუციაში; იყო ქართველი სოციალ-დემოკრატების ერთ-ერთი ლიდერი და კავკასიის სამხედრო ოლქის შტაბის უფროსის, გენერალ გრიაზნოვის მკვლელობის ორგანიზატორი (1906); თანამშრომლობდა გაზეთებში: "სხივი", "განთიადი", "ელვა"; რევოლუციის შემდეგ ჯიბლაძე "ლიკვიდატორებს" მიემხრო. საქართველოს გასაბჭოების შემდეგ დააპატიმრეს და დახვრიტეს.

წყარო: ქართული საბჭოთა ენციკლოპედია: ტ. 11.-თბ.,1987.-გვ.563; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.141

• საქართველოს დემოკრატიული რესპუბლიკის საქართველოს დამფუძნებელი კრება, წევრი (1918-1921)
• საქართველოს ეროვნული საბჭო, წევრი (1917-)
• საქართველოს მენშევიკების პარტიის ამიერკავკასიის საოლქო კომიტეტი, წევრი
• საქართველოს სოციალ-დემოკრატიული მოძრაობა "მესამე დასი", დამფუძნებელი წევრი
• საქართველოს სოციალ-დემოკრატიული პარტია, წევრი