კაკი წერეთელი

დაბადების ადგილი: ქ. ქუთაისი.

1900 წელს ჩაირიცხა მოსკოვის უნივერსიტეტის იურიდიულ ფაკულტეტზე. სტუდენტურ მოძრაობაში მონაწილეობის გამო 1902 წელს იგი სასწავლებლიდან გარიცხეს და გადაასახლეს ციმბირის ქალაქ ირკუტსკში; ერთი წლის შემდეგ გადასახლებიდან კავკასიაში დაბრუნდა; 1904 წელს დაპატიმრების შიშით გაემგზავრა ბერლინში და ჩააბარა უნივერსიტეტში; ტუბერკულიოზით მძიმედ დაავადებული 1905 წელს იძულებული იყო ქუთაისში დაბრუნებულიყო; 1907 წელს აირჩიეს II სახელმწიფო დუმის დეპუტატად ქუთაისის გუბერნიიდან, სადაც იგი დუმის აგრარული კომისიის წევრი იყო და თავმჯდომარეობდა სოციალ-დემოკრატთა ფრაქციას; 3 ივლისის გადატრიალების შემდეგ დააპატიმრეს და მიესაჯა 5 წლიანი კატორღა, რომელიც ჯანმრთელობის მდგომარეობის გამო შეეცვალა 6 წლიანი პატიმრობით, შემდგომში აღმოსავლეთ ციმბირის გუბერნიაში ცხოვრების უფლებით (1917 წლამდე); 1917 წლის 19 მარტს პეტროგრადში დაბრუნდა და პეტროგრადის საბჭოს აღმასრულებელი კომიტეტის წევრი გახდა; რუსეთის დროებითი მთავრობის ფორმირების შემდეგ დაინიშნა რუსეთის ფოსტა-ტელეგრაფის მინისტრად (მაისი-აგვისტო); 24 ივლისს გამოვიდა დროებითი მთავრობიდან და მთლიანად ჩაერთო საბჭოების მუშაობაში; აგვისტოში  იყო რუსეთის სოციალ-დემოკრატიული მუშათა პარტიის გაერთანებული ყრილობის დელეგატი; ოქტომბრის რევოლუციისადმი მისი დამოკიდებულება უარყოფითი იყო; თბილისში დაბრუნებისთვავე აქტიურად ჩაერთო პოლიტიკურ საქმიანობაში; გახდა ამიერკავკასიის სეიმის დეპუტატი; საქართველოს ეროვნული საბჭოს დაფუძნების შემდეგ გახდა ეროვნული საბჭოს აღმასრულებელი კომიტეტის წევრი, მისი წინადადებით ეროვნულ საბჭოს 25 მაისს სახელი გადაერქვა და ეწოდა "პარლამენტი"; 1919 წელს აპრილში მონაწილეობა მიიღო პარიზის სამშვიდობო კონფერენციაში; საქართველს 1921 წლის ოკუპაციის შემდეგ ემიგრაციაში გაემგზავრა; 1931 წელს დაამთავრა სორბონის უნივერსიტეტის იურიდიული ფაკულტეტი და ეწეოდა იურიდიულ საქმიანობას ჯერ საფრანგეთში, ხოლო 1940 წლიდან ამერიკის შეერთებულ შტატებში.

წყარო: ბიბლიოვიკი: nplg.gov.ge

• რსდმპ(გ) ცენტრალური კომიტეტი, წევრი
• საქართველოს სოციალ-დემოკრატიული (მენშევიკური) პარტია, წევრი (1903-)