გრიგოლ წერეთელი

დაბადების ადგილი: ქ. პეტერბურგი, რუსეთი.

დაამთავრა პეტერბურგის უნივერსიტეტის ისტორია-ფილოლოგიური ფაკულტეტი 1893 წელს.

1902-1904წწ. იყო პეტერბურგის უნივერსიტეტის პრივატ-დოცენტი; 1905-1914წწ - იურიევის (ტარტუ) უნივერსიტეტის პროფესორი; 1914-1920წწ. - პეტროგრადის უნივერსიტეტის პროფესორი, კლასიკური ფილოლოგიის კათედრის გამგე; 1914 წელს მიენიჭა ბერძნული სიტყვიერების დოქტორის ხარისხი; 1920 წლიდან ი. ჯავახიშვილის მოწვევით სამუშაოდ და საცხოვრებლად გადმოვიდა თბილისში; 1920-1938წწ. იყო თბილისის სახელმწიფო უნივერსიტეტის კლასიკური ფილოლოგიის კათედრის გამგე, ერთდროულად - თბილისის სახელმწიფო უნივერსიტეტის ბიბლიოთეკის დირექტორი; 1931-1938წწ. ი. ჯავახიშვილთან ერთად მუშაობდა საქართველოს სახელმწიფო მუზეუმში მეცნიერ-კონსულტანტად; ამავე დროს იყო მუზეუმის ხელნაწერთა განყოფილების თანამშრომელი; იმსხვერპლა XX ს. 30-იანი წლების რეპრესიებმა; მისი ნაშრომები ეძღვნება ბერძნული პალეოგრაფიის, დამწერლობისა და ლიტერატურის ისტორიას; დიდი ამაგი დასდო ბერძნული, რუსული და ქართული პაპირუსების შესწავლას, ანტიკური მწერლობის ნიმუშების რუსულ ენაზე თარგმნას - პირველმა თარგმნა რუსულად აპოლონიოს როდოსელის "არგონავტიკა"; პაპიროლოგიის ერთ-ერთი ფუძემდებელი; კლასიკური ფილოლოგიის ქართული სამეცნიერო სკოლის დამფუძნებელი, თბილისის სახელმწიფო უნივერსიტეტის ბიბლიოთეკის დამაარსებელი.

წყარო: თბილისი: ენციკლოპედია.- თბ., 2002.-გვ.962; naec.ge

• რუსეთის მეცნიერებათა აკადემია, წევრ-კორესპონდენტი (1917-)

• კორიდეთის ხელნაწერი და მისი ბერძნული მინაწერები (ავტორი). - ტფილისი, 1937. - 72გვ.
• ბერძნული ლიტერატურის ისტორია (ავტორი) // ტ. 2 : ტრაგედია. - ტფილისი, 1935. - 393გვ.
• ბერძნული ლიტერატურის ისტორია (ავტორი) // ტ. 1 : ეპოსი. ლირიკა. - ტფილისი, უნივერსიტეტის გამოცემა, 1927. - 384გვ.