გიორგი თაყაიშვილი

დაბადების ადგილი: სოფელი ლიხაური, ახლანდელი ოზურგეთის მუნიციპალიტეტი.

განათლება მიიღო ქუთაისის კლასიკურ გიმნაზიაში. დაამთავრა რუსეთის ნიკოლოზის საინჟინრო სასწავლებელი (I-ი თანრიგით). დაამთავრა სამხედრო-საინჟინრო აკადემია 1913 წელს. 

მონაწილეობდა რუსეთ-იაპონიისა (1904–1905) და (1914-1918) პირველ მსოფლიო ომებში. მსახურობდა კავკასიის მე-2 მესანგრეთა ბატალიონში. 1915-1917 წლებში მსახურობდა კავკასიის მე-II საარმიო კორპუსის ინჟინრად. 1917 წლის 19 აპრილს დროებითი მთავრობის სამხედრო მინისტრის ბრძანებით დაინიშნა კავკასიის მე-2 საინჟინრო პოლკის მეთაურად, ერთდროულად კავკასიის მე-II საარმიო კორპუსის ინჟინრის თანამდებობის შენარჩუნებუთ. 1915 წლიდან იყო რუსეთის არმიის ინჟინერ-პოლკოვნიკი; 1917 წლის 6 აგვისტოს მიენიჭა პოლკოვნიკის სამხედრო წოდება. 1918–1921წწ. მსახურობდა ქართულ არმიაში. იყო საინჟინრო ჯარების უფროსი. ამადროულად ეხმარებოდა აზერბაიჯანის მთავრობას, ბაქოს ციხესიმაგრის გამაგრებების პროექტირებაში და ასეთივე გამაგრებების პროექტირებაში რუსეთ-აზერბაიჯანის სასაზღვრო მდინარე სამურზე. 1918 წლიდან იყო საქართველოს სამხედრო სამინისტროს საინჟინრო-ტექნიკური სექციის უფროსი, 1920–1921წწ. საინჟინრო-ტექნიკური ჯარების მეთაური. 1921 წელს ემიგრაციაში წავიდა. გარდაიცვალა საფრანგეთში. საქართველოს დემოკრატიული რესპუბლიკის ინჟინერ-გენერალი (1918).

წყარო: საქართველო: ენციკლოპედია: ტ.III.–თბ., 2014.-გვ.485