ვარლამ თაყაიშვილი

დაბადების ადგილი: სოფელი ლიხაური, ახლანდელი ოზურგეთის მუნიციპალიტეტი.

დაამთავრა გენერალური შტაბის აკადემია. 

მონაწილეობდა რუსეთ-ოსმალეთის (1877–1878) ომში. 1895–1903 წლებში იყო თავდაპირველად ციმბირის, შემდეგ კავკასიის სამხედრო ოლქის მიმოსვლის გზების უფროსი. 1903–1906 წლებში მეთაურობდა 115-ე ვიაზმის ქვეით პოლკს, იყო ელიზავეტპოლის დროებითი გენერალ-გუბერნატორი. 1906 წლიდან თადარიგში გავიდა. დაჯილდოებულია წმინდა ვლადიმირის, წმინდა ანას, წმინდა სტანისლავის სხვადასხვა ხარისხის ორდენებით. რუსეთის იმპერიის არმიის გენერალ-მაიორი (1905), ექვთიმე თაყაიშვილის ძმა. 1921 წლიდან ემიგრაციაში იმყოფებოდა.

წყარო: საქართველო: ენციკლოპედია: ტ.III.–თბ., 2014.-გვ.487

• წმინდა ვლადიმირის ორდენი
• წმინდა სტანისლავის ორდენი
• წმინდა ანას ორდენი