სერგო თედორაძე

დაბადების ადგილი: სოფელი ქვაბღა, ახლანდელი ჩოხატაურის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტის აგრონომიული ფაკულტეტი 1947 წელს.

1970 წლიდან იყო საქართველოს სოფლის მეურნეობის სამინისტროს ი. ლომოურის სახელობის მიწათმოქმედების სამეცნიერო-კვლევითი ინსტიტუტის სელექცია-გენეტიკის განყოფილების გამგე, 1975 წლიდან–ამავე ინსტიტუტის დირექტორის მოადგილე სელექციის დარგში, 1976–1992 წლებში იყო ამიერკავკასიის სელექციური ცენტრის მეცნიერ-ხელმძღვანელი. მისი ინიციატივით საქართველოში შეიქმნა ინდუცირებული მუტაგენეზის სკოლა. სერგო თედორაძემ გამოიყენა ატომური იზოტოპები მცენარეთა სელექციაში, შექმნა სასოფლო-სამეურნეო კულტურების 18 ჯიში. ავტორია მონოგრაფიული ნაშრომებისა მცენარეთა სელექცია-გენეტიკაში. მიღებული აქვს სახელმწიფო, მათ შორის საბრძოლო ჯილდოები. ბიოლოგიის მეცნიერებათა დოქტორი (1967), პროფესორი (1986). სწავლული აგრონომი.

წყარო: საქართველო: ენციკლოპედია: ტ.III.–თბ., 2014.-გვ.642

• 1986 - საქართველოს სახელმწიფო პრემია

• ლობიო და სოია : ბიოლოგია და სამეურნეო დახასიათებ (ავტორი). - თბილისი, საბჭ.საქართველო, 1966. - 236გვ.
• სამარცვლე პარკოსანი კულტურები და მათი მოსავლიანობის გადიდების ღონისძიებანი (ავტორი). - თბილისი, საბჭ.საქართველო, 1964. - 239გვ.