თათია ხაინდრავა

დაბადების ადგილი: ქ. გაგრა.

დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტი(დ. ალექსიძის კლასი) 1952 წელს.

1952 წლიდან მუშაობს ინსტიტუტში მეტყველების კათედრის პედაგოგად; 1950 წლიდან საქართველოს რადიოსა და ტელევიზიის სახელმწიფო კომიტეტში მოღვაწეობს; 1959-1965წწ. მუშაობდა საქართველოს სხვადასხვა თეატრში (ბათუმის ი. ჭავჭავაძის სახ., თბილისის სანკულტურის, კ. მარჯანიშვილის სახ. სახელმწიფო თეატრში); მისი ძირითადი ამპლუა მხატვრული კითხვაა; შესანიშნავი სცენური გარეგნობა, უბადლო დიქცია, ნაწარმოების იდეის სრულყოფილად წვდომის უნარი (დიდებულ მანერებთან ერთად) მსახიობს მხატვრული ნაწარმოების შესანიშნავ ინტერპრეტატორად აქცევს; მონაწილეობდა დადგმებში: პოეზიის საღამოები - "მზეო თიბათვისა" (გალაკტიონის ლექსებზე, დადგმა რ. სტურუასი, მხატვარი მ. შველიძე, კომპოზიტორი გ. ყანჩელი, 1976), "კიდევაც ვნახავ გაზაფხულს" (ვაჟა-ფშაველას შემოქმედების მიხედვით, დამდგმელი თ. ხაინდრავა, 1997) და "ვეფხისტყაოსანი" (დამდგმელი თ. ხაინდრავა, მუსიკალური გაფორმება მირანდა ხაინდრავასი, 1997, სამივე საღამო დაიდგა შოთა რუსთაველის სახ. სახელმწიფო თეატრში); მხატვრული კითხვის ოსტატი. 2005 წელს გამოიცა წიგნი "თათია ხაინდრავა" : მოგონებები, საუბრები, წერილები, ჩანაწერები, დღიურის ფურცლები / რედ.: ნინო ხოფერია.

წყარო: თბილისი: ენციკლოპედია.- თბ., 2002.-გვ.982; რეზო შატიკიშვილის ბლოგი: rezoshatakishvili.wordpress.com; ეროვნული ფილმოგრაფიის პორტალი: geocinema.ge; ქართული ვებგვერდი კულტურასა და ხელოვნებაზე: artinfo.ge

• საქართველოს დამსახურებული არტისტი