ნინო ხატიაშვილი

დაბადების ადგილი: ქ. თბილისი.

დაამთავრა თბილისის III მუსიკალური სასწავლებელი 1978 წელს(ფორტეპიანო), ვანო სარაჯიშვილის სახელობის თბილისის სახელმწიფო კონსერვატორია 1985 წელს(მუსიკის ისტორია).

1986–2003წწ. იყო ვანო სარაჯიშვილის სახელობის თბილისის სახელმწიფო კონსერვატორიასთან არსებული ექსპერიმენტული სკოლის პედაგოგი(მუსიკის ლიტერატურა); 1997–2001წწ. მუსიკალურ–პედაგოგიური ინსტიტუტის პედაგოგი(მუსიკის ისტორია); 2003 წლიდან ვანო სარაჯიშვილის სახელობის თბილისის სახელმწიფო კონსერვატორიის ისტორიის მუზეუმის მეცნიერ თანამშრომელი; 2010 წლიდან თბილისის სასულიერო აკადემიის სამგალობლო ინსტიტუტის პროფესორი; მუსიკისმცოდნე–ისტორიკოსი, ხელოვნებათმცოდნეობის კანდიდატი.

 საკანდიდატო დისერტაციის თემა – "ბარტოკის როლი 60–80–იანი წლების ქართული კამერულ–ინსტრუმენტული მუსიკის განვითარებაში", დაიცვა 1999 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 580