ვასილ ხმალაძე

დაბადების ადგილი: ქ. ქუთაისი.

დაამთავრა ქუთაისის მუსიკალური სასწავლებელი, თბილისის სახელმწიფო უნივერსიტეტი 1927 წელს(იურიდიული), თბილისის სახელმწიფო კონსერვატორია 1931 წელს(ვოკალური).

1924 წლიდან იყო ვ. სარაჯიშვილის სახელობის პირველი სტიპენდიანტი; მღეროდა კ. მაღრაძის გუნდში; 1932–1934წწ. თბილისის ოპერისა და ბალეტის თეატრის სოლისტი; დებიუტი: ჟერმონი(ვერდი "ტრავიატა", 1932, თბილისის ოპერის სცენაზე); ეწეოდა საკონცერტო მოღვაწეობას; 1930–1942წწ. თბილისის II მუსიკალური სასწავლებლის დირექტორი; 1936 წლიდან თბილისის საოპერო სტუდიის ხელმძღვანელი; 1934 წლიდან სიცოცხლის ბოლომდე ვანო სარაჯიშვილის სახელობის თბილისის სახელმწიფო კონსერვატორიის პედაგოგი, 1942–1949წწ. ვოკალური კათედრის გამგე, დეკანი, 1939–1955წწ. პრორექტორი, 1941 წლიდან დოცენტი, 1946 წლიდან პროფესორი; მოწაფეები: შ. თაბუკაშვილი, თ. მერკვილაძე, ო. ბახტაძე, დ. ჯიტავა, შ. მეძველია, ვ. კიკნაძე, გ. ზედგენიძე, გ. წულუკიძე, ნ. მეძმარიაშვილი, ე. პოიმანოვი, ნ. ოვანესიანი, ა. მილოვანოვი, მ. ხატელიშვილი; საოპერო მომღერალი, ბარიტონი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 585

• 1961 - საქართველოს ხელოვნების დამსახურებული მოღვაწე