ნიკოლოზ ხვიტია

1920 წლიდან სწავლობდა ქუთაისის ვაჟთა პირველ გიმნაზიაში, 1925 წლიდან თბილისის სახელმწიფო უნივერსიტეტში(ეკონომიური).

თერთმეტი წლის ასაკიდან მღეროდა ზუგდიდში სასკოლო გუნდში, რომელსაც გალაქტიონ ჭელიძე ხელმძღვანელობდა; გიმნაზიაში სწავლის დროს, მღეროდა ოთხხმიან ვაჟთა გუნდში(ხელმძღვანელი მიხეილ შარაბიძე); აქ სერგო გოცირიძესთან, ვლადიმერ მასხარაშვილთან და ბიძინა ღოღობერიძესთან ერთად ასრულებდა ვოკალური კვარტეტის ცალკეულ ნომრებს; გიმნაზიის ბოლო კლასების მოწაფე იყო, როცა ძუკუსთან სიმღერა დაიწყო, ვოკალს მელიტონ ბალანჩივაძის მიერ დაარსებულ მუსიკალურ სკოლაში დაეუფლა; ზუგდიდში პ. კობახიძესთან და ლ. ჭედიასთან სცენისმოყვარეობასაც ეწეოდა; ოცი წლის ასაკში, ქუთაისის მაზრის ფიზკულტურის ბიუროსთან ჩამოაყალიბა ქალ-ვაჟთა ოთხხმიანი გუნდი, ხოლო 1925 წლიდან, თბილისის უნივრსიტეტის ეკონომიკური ფაკულტეტის სტუდენტი, სათავეში ჩაუდგა საქართველოს ცენტრალური სტატისტიკური სამმართველოს მომღერალთა გუნდს; ამავე წლიდან იწყებს სოლისტ-მომღერლად მუშაობას დასავლეთ საქართველოს ანსამბლში კიწი გეგეჭკორისა და კირილე პაჭკორიას ხელმძღვანელობით, სადაც თხუთტმეტი წელიწადი იმღერა; ომის დროს კი დამოუკიდებლად უძღვებოდა სხვადასხვა ორგანიზაციების გუნდებს, სამხედრო ნაწილების გუნდსაც ხელმძღვანელობდა; ერთი წელი ჩხოროწყუს რაიონის საშუალო სკოლების მუსიკალური წრეების ხელმძღვანელი იყო; მანვე მოამზადა თერჯოლის რაიონის გუნდი და მეშვიდე რესპუბლიკურ ოლიმპიადაზე გამოიყვანა; თბილისში ცეკავშირის, აბრეშუმსაქსოვი ფაბრიკის, მაუდ-კამვოლის გუნდს წარუძღვა; კარგა ხანს სამტრესტის გუნდის საკრავთა ჯგუფის ხელმძღვანელიც იყო; მღეროდა რადიოს გუნდში ა. მეგრელიძესთან; ლოტბარი.

წყარო: http://chanting.ge/?page_id=7