გიორგი ხუხაშვილი

დაბადების ადგილი: სოფელი ბანძა, მარტვილის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1947 წელს.

სხვადასხვა დროს მუშაობდა ჟურნალების "ნიანგისა" და "ცისკრის" რედაქციებში; თბილისის "სახელმწიფო გამომცემლობაში", საქართველოს თეატრის მოღვაწეთა კავშირში, კინოსტუდია "ქართულ ფილმში"; 1945 წელს გამოაქვეყნა პირველი ლექსი; პირველი წიგნი - 1956 წელს. ავტორია რამდენიმე ლიტერატურულ-კრიტიკული წერილების კრებულისა; მის შემოქმედებაში თბილისის თემას მნიშვნელოვანი ადგილი ეთმობა; 1960 წელს ჟურნალ "ცისკარში" დაიბეჭდა მისი პოემა თბილისზე "ლურჯი ფანჯრები" (წიგნად გამოვიდა 1980 წელს); თბილისის ცხოვრებაზეა დაწერილი დრამები: "მთაწმინდის მთვარე", "ცხოვრება კაცისა", "მოსამართლე", "მეათეკლასელები", "დაბრუნება ბარათაშვილისა", "დაბრუნებაფიროსმანისა" და სხვა; მან თბილისს უძღვნა ლექსები: "ჩუღურეთი", "ძველი თბილისის გახსენება", "იმპრესიონისტების გამოფენა თბილისში", ლირიკული ეტიუდები; მისი პიესისათვის "მთაწმინდის მთვარე" კომპოზიტორმა გ. ცაბაძემ დაწერა სიმღერა ხუხაშვილისავე ლექსზე "სიმღერა თბილისზე"; გამოქვეყნებული აქვს ლექსების კრებული "ბიბლიური მოტივები" (1992). სიცოცხლის ბოლო ათეულ წელში შექმნა სამი მოზრდილი სონეტების წიგნი: "ქებათა ქება იერუსალიმს", "ავტოპორტრეტი" და "დღიურები". თბილისისადმი მიძღვნილი პიესები სხვადასხვა დროს იდგმებოდა დედაქალაქის თეატრებში; კრებულ "სონეტებში" (1998), რამდენიმე სონეტი თბილისს ეძღვნება.

წყარო: თბილისი: ენციკლოპედია.- თბ., 2002.-გვ.998; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.367; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.404-405

• საქრთველოს კინემატოგრაფისტთა შემოქმედებითი კავშირი, წევრი (1965-)

• 1996 - ღირსების ორდენი
  ქართული ლიტერატურის განვითარებაში შეტანილი განსაკუთრებული წვლილისა და ხანგრძლივი ნაყოფიერი სამეცნიერო-პედაგოგიური მოღვაწეობისათვის
• 1988 - საქართველოს სახელმწიფო პრემია
  ბიბლიური მოტივები : რჩეული ლექსები / გიორგი ხუხაშვილი . - თბილისი, ქართული თეატრი, 1992. - 480გვ.

• სონეტები. ქებათა ქება იერუსალიმს. ავტოპორტრეტი. დღიურები. (ავტორი). - თბილისი, აზრი, 1998. - 508გვ.
• ბიბლიური მოტივები : რჩეული ლექსები (ავტორი). - თბილისი, ქართული თეატრი, 1992. - 480გვ.
• პიესები (ავტორი). - თბილისი, 1975. - 229გვ.
• ცხოვრება კაცისა : სახალხო დრამა III ნაწილად (ავტორი). - თბილისი, ხელოვნება, 1970. - 127გვ.
• ლიტერატურული წერილები (ავტორი). - თბილისი, საბჭოთა საქართველო, 1970. - 166გვ.