კოტე ჯავრიშვილი

 დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1936 წელს.

მუშაობდა მთიულეთის საძიებო-გეოლოგიური ექსპედიციის უფროსად, შახტის მთავარ გეოლოგად; ჟურნალ "დროშის" განყოფილების გამგედ; საქართველოს მეცნიერებათა აკადემიის პრეზიდიუმის სწავლულ მდივნად; ქართული ენციკლოპედიის დედამიწის შემსწავლელ მეცნიერებათა რედაქციის გამგედ (1966-1974); 1930-1940წწ. ხელმძღვანელობდა ალპურ ასვლებს ლაღზწითზე, შინოზე, ქომიტოზე, ტებულოზე, მყინვარწვერზე, გისტოლაზე, კათინთაუზე, თეთნულდზე, ჯანღაზე და სხვა მწვერვალებზე; 1944 წელს ხელმძღვანელობდა სამხედრო ნაწილების ასვლებს ირანის უმაღლეს მწვერვალზე — დემავენდზე. სსრკ-გერმანიის ომის წლებში იყო ამიერკავკასიის ფრონტის შტაბის სამთო-სათხილამურო მომზადების განყოფილების უფროსი;1947-1956 წლებში იყო რეპრესირებული;
კონსტანტინე ჯავრიშვილმა შეადგინა გეოლოგიის ტერმინოლოგია (1941; გ. ლომთათიძესა და მ. ფოფხაძესთან ერთად), თარგმნა რუსულიდან ალექსანდრე ფერსმანის "გასართობი მინერალოგია" (გ. ლომთათიძესთან ერთად), კ. სიმონოვის "20 დღე უომრად" (ა. ცინცაძესთან ერთად) და სხვა; ფრანგულიდან ონორე დე ბალზაკის "მამა გორიო", ალბერ კამიუს "შავი ჭირი", ჟიულ ვერნის "კაპიტან ჰატერასის მოგზაურობა და თავგადასავალი"; ავტორია ნარკვევებისა "მთები და ადამიანები"(1970), "მე თბილისელი ვარ" (1972); იყო ქართულ ენაზე გამოსული ჟიულ ვერნის თხზულებათა მრავალტომეულის სარედაქციო კოლეგიის წევრი; რედაქტორი სპელეოლოგიური კრებულებისა — "საქართველოს მღვიმეები და გამოქვაბულები"; მთამსვლელი, სპელეოლოგი, მთარგმნელი, ლიტერატორი.

წყარო: თბილისი: ენციკლოპედია.- თბ., 2002.-გვ.1001; http://ka.wikipedia.org/wiki/კონსტანტინე_ჯავრიშვილი; http://dspace.nplg.gov.ge/handle/1234/63522

• საქართველოს ალპური კლუბის გამგეობა, თავმჯდომარის მოადგილე
• საქართველოს მეციერებათა აკადემიის სპელეოლოგიური საბჭო , თავმჯდომარე (1969-1977)
• ტურიზმის თბილისის საქალაქო კლუბი, გამგეობის თავმჯდომარე

• მე თბილისელი ვარ : ნარკვევი (ავტორი). - თბილისი, საქ. კპ ცკ-ის გამ-ბა, 1972. - 79გვ.
• მთები და ადამიანები : ნარკვევი ქართული ალპინიზმის ისტორიიდან (ავტორი). - თბილისი, საბჭოთა საქართველო, 1970. - 209გვ.
• მთის რაინდი ალექსანდრე ჯაფარიძე (ავტორი). - თბილისი, საბჭოთა საქართველო, 1962. - 47გვ.
• ქართველი მთამსვლელები კავკასიონისათვის ბრძოლაში (ავტორი). - თბილისი, საქ. ალპიური კლუბის გა-მა, 1945. - 28გვ.
• გეოლოგიური ტერმინოლოგია = Геологическая терминология = Dictionnaire des dciences geologiques (შემდგენელი). - თბილისი, საქ. სსრ მეცნ. აკადემია, 1941. - 516გვ.