ჯანო ჯანელიძე

დაბადების ადგილი: სოფელი მარანი, აბაშის რაიონი.

დაამთავრა სოხუმის სახელმწიფო პედაგოგიური ინსტიტუტის ისტორია-ფილოლოგიის ფაკულტეტი 1962 წელს.

სკოლის დამთავრებისთანავე სასწავლებლად გაემგზავრა სოხუმში, სადაც აფხაზეთის სახელმწიფო ანსამბლში იყო სოლისტ-მოცეკვავე. უმაღლესი განათლების მიღების შემდეგ მუშაობდა ქორეოგრაფად, გაზეთ "საბჭოთა აფხაზეთის" კორესპონდენტად, მხატვრული თარგმანისა და ლიტერატურული ურთიერთობების მთავარი სარედაქციო კოლეგიის უფროს მეცნიერ-რედაქტორად, ალმანახ "რიწისა" და გაზეთების "კოლხური დიადემისა" და "ოქროს საწმისის" მთავარ რედაქტორად. მუშაობდა აფხაზეთის განათლების მინისტრის პოსტზე; უკანასკნელ წლებში იყო აფხაზეთის ლიტერატურისა და ხელოვნების შემოქმედებითი კავშირის თავმჯდომარის პირველი მოადგილე და ყველაფერს აკეთებდა ქართული მწერლობის განვითარებისათვის. ლიტერატურული მოღვაწეობა დაიწყო 1951 წელს. ეკუთვნის 50 პოეტური და პროზაული კრებული: "სიცარიელე ძველ სანგრებში" (1966), "თიბათვე" (1968), "ოქროსფერი ქვაფენილები" (1970), "არდავიწყება" (1972), "იდუმალება" (1974), "სიზმრის სარკმელი" (1981), "რჩეული" (1983), "ეკლიანი გვირგვინები" (1985) და სხვა. დევნილობაში მყოფი, სიცოცხლის უკანასკნელ წლებში აფხაზეთის შემოქმედთა კავშირს ხელმძღვანელობდა. 

წყარო: opentext.org.ge;  ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.410-411

• აფხაზეთის აკადემია, ნამდვილი წევრი
• აფხაზეთის ლიტერატურისა და ხელოვნების შემოქმედებითი კავშირი, თავმჯდომარის პირველი მოადგილე
• საქართველოს პედაგოგიურ მეცნიერებათა აკადემია, ნამდვილი წევრი
• ფაზისის აკადემია, ნამდვილი წევრი

• 1968 - აფხაზეთის დამსახურებული არტისტი
• საქართველოს საპატრიარქოს წმინდა გიორგის ორდენი
• იაკობ გოგებაშვილის სახელობის მედალი
• გიორგი შერვაშიძის სახელობის სახელმწიფო პრემია
• აკაკი წერეთლის სახელობის პრემია

• როცა გამარჯვებულთ ასამართლებენ : ომი. აფხაზეთი : მოთხრობები (ავტორი). - თბილისი, ეროვნული მწერლობა, 2005. - 87გვ.. - ISBN: 99928-950-9-8
• იმ გაზაფხულის მოსაგონებლად : ლექსები (ავტორი). - სოხუმი, ალაშარა, 1991. - 130გვ.
• გაცვეთილი ნიღბები : ლექსები და პოემა (ავტორი). - თბილისი, მერანი, 1990. - 165გვ.
• ცის გახსნა : ლექსები (ავტორი). - თბილისი, მერანი, 1987. - 130გვ.
• გამგზავრებიდან დაბრუნებამდე : ლექსები და პოემა (ავტორი). - სოხუმი, ალაშარა, 1978. - 115გვ.
• კამარა : ლექსები, პოემა (ავტორი). - თბილისი, საბჭ. საქართველო, 1976. - 106გვ.
• კოლხური ცისარტყელა : ლექსები, პოემა (ავტორი). - თბილისი, მერანი, 1975. - 95გვ.