არჩილ ჯანაშვილი

დაბადების ადგილი: კახის რაიონი, საინგილო, აზერბაიჯანი.

დაამთავრა თბილისის სახელმწიფო უნივერსიტეტის პედაგოგიური ფაკულტეტი ბუნებისმეტყველების სპეციალობით 1927 წელს.

1926 წლიდან მუშაობდა თბილისის სახელმწიფო უნივერსიტეტის ზოოლოგიის კათედრაზე; 1939-1944წწ. იყო თელავის სამასწავლებლო ინსტიტუტის ბუნებისმეტყველების კათედრის გამგე; 1946-1982წწ. - თბილისის სახელმწიფო უნივერსიტეტის ხერხემლიანთა ზოოლოგიის კათედრის გამგე; სხვადასხვა დროს მუშაობდა საქართველოს ზოოპარკში, საქართველოს მეცნიერებათა აკადემიის ზოოლოგიის, საქართველოს სასოფლო-სამეურნეო, გორის, ქუთაისის, სოხუმის პედაგოგიურ ინსტიტუტებში; 1968-1975წწ. - იყო ქართული ენციკლოპედიის მთავარ სამეცნიერო რედაქციაში. მისი კვლევის საგანი იყო საქართველოში ძუძუმწოვრები, ქვეწარმავლები, ამფიბიები; მნიშვნელოვანი ღვაწლი მიუძღვის ქართული ზოოლოგიური ტერმინოლოგიის შედგენაში, პირველად ქართულ ენაზე ამ დარგში შეადგინა სახელმძღვანელოები; განსაკუთრებით აღსანიშნავია მის მიერ შედგენილი "ცხოველთა სამყაროს" მრავალტომეულის III ტომი; იყო გამოჩენილი პოპულარიზატორიც; ავტორია მრავალი საბავშვო მოთხრობისა ("სახალისო ბიოლოგია", "სისხლიანი ცრემლები" და სხვა); ზოოლოგი; საქართველოში ზოოგეოგრაფიის ერთ-ერთი ფუძემდებელი; ბიოლოგიის მეცნიერებათა დოქტორი, პროფესორი (1963).

წყარო: თბილისი: ენციკლოპედია.- თბ., 2002.- გვ.1002; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.322

• 1985 - საქართველოს სახელმწიფო პრემია

• ზოოგეოგრაფია (ავტორი). - თბილისი, თსუ-ს გამ-ბა, 1974. - 357გვ.
• ხერხემლიანთა ზოოლოგიის პრაქტიკუმი (ავტორი). - თბილისი, სამეცნ.-მეთოდ. კაბინეტის გამ-ბა, 1953. - 316გვ.
• ფრინველები (ავტორი). - თბილისი, საბლიტგამი, 1949. - 52გვ.
• ქვეწარმავლები : უმც. და საშ. ასაკისათვის (ავტორი). - თბილისი, საბლიტგამი, 1948. - 34გვ.
• საქართველოს ძუძუმწოვრები : საშ. და უფრ. ასაკისათვის (ავტორი). - თბილისი, საბლიტგამი, 1948. - 80გვ.
• ხერხემლიანთა ზოოლოგია (ავტორი). - თბილისი, სამეცნ.-მეთოდ. კაბინეტის გამ-ბა, 1948. - 488გვ.