ხათუნა პატაშური

დაბადების ადგილი: ქ. დედოფლისწყარო.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი 1993 წელს, თბილისის სახელმწიფო უნივერსიტეტის ხელოვნებათმცოდნეობის ფაკულტეტი 1993 წელს(მეორადი), თბილისის სასულიერო აკადემიის ქრისტიანული ხელოვნების ფაკულტეტი(1996); 1993-1999 წლებში იყო საქართველოს მეცნიერებათა აკადემიის შოთა რუსთაველის სახელობის ქართული ლიტერატურის ინსტიტუტის ასპირანტი, 2003-2004 წლებში სწავლობდა ბერლინის ჰუმბოლტის სახელობის უნივერსიტეტის ლიტერატურათმცოდნეობის(გერმანისტიკა) ფაკულტეტზე.

1994-2008 წლებში იყო თბილისის სასულიერო აკადემიასა და სემინარიაში, საღვთისმეტყველო ინსტიტუტში, ქართული ენისა და ლიტერატურის ლექტორი და სამეცნიერო მუშაობის ხელმძღვანელ-კოორდინატორი. 1994-1997 წლებში იყო თბილისის სამხატვრო აკადემიაში, ქართული და საზღვარგარეთის ლიტერატურის ლექტორი. 1999-2000 წლებში მუშაობდა ფირმა "ომეგას" პრეს-ცენტრში, პრეს-მდივნად. 1992 წლიდან სალიტერატურო ჟურნალ-გაზეთებში აქვეყნებს ლექსებს, სამეცნიერო სტატიებს, თარგმანებს. ფილოლოგიის დოქტორი(1999). 2005 წელს სამეცნიერო მიწვევით იმყოფებოდა ბერლინის ჰუმბოლტის სახელობის უნივერსიტეტში. 2014-2015 წლებში ლინგვისტური სტაჟირება გაიარა ქ. ნიცასა და ქ. ბორდოში(საფრანგეთი). 

სადისერტაციო თემა -"ქრისტიანული მოტივები გალაკტიონ ტაბიძის პოეზიაში", დაიცვა 1999 წელს. 

• დამშვიდობება : ლექსები (ავტორი). - თბილისი, ქართული წიგნი, 2002. - 160გვ.