ერვანდ ქოჩარი

დაბადების ადგილი: ქ. თბილისი.

სწავლობდა თბილისის ფერწერისა და ქანდაკების სკოლასა (1915-1918) და მოსკოვის სახელმწიფო თავისუფალ სამხატვრო სახელოსნოებში (1918-1919). 1923 წლიდან მუშაობდა პარიზში. 1936 წლიდან სომხეთში. მისი დაზგური და მონუმენტური ქანდაკებისათვის ნიშანდობლივია მოძრაობის ექსპრესიულობა, ზოგჯერ სტილიზაცია. ნამუშევრები: ობელისკი ''არწივი'' (ბრინჯაო, 1955, ზვართნოცის გზაზე), დავით სასუნცის ძეგლი (სპილენძი, 1959) და ფ. ძერჟინსკის მონუმენტური ბიუსტი (სპილენძი, 1969 - ორივე ერევანი). ავტორია ფერწერული ტილოებისა და წიგნის ილუსტრაციებისა. მოქანდაკე, ფერმწერი და გრაფიკოსი.

წყარო : ქართული საბჭოთა ენციკლოპედია: ტ.10-თბ., 1986.-გვ.553

• 1976 - სსრკ სახალხო მხატვარი
• 1967 - სომხეთის სსრ სახელმწიფო პრემია