არჩილ ჩაჩიბაია

დაბადების ადგილი: ქ. ცხაკაია (ყოფილი ახალსენაკი, ახ. ქ. სენაკი).

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1928 წლიდან მუშაობდა სკოლაში მასწავლებლად; 1931 წლიდან - კასპის პედაგოგიური ტექნიკუმის დირექტორი; 1937 წლიდან - ქ. თბილისის რაიონის განათლების განყოფილების ინსპექტორი; ამავე წლიდან - საქართველოს სსრ განათლების სამინისტროში ინსპექტორ-მეთოდისტი; 1941 წლიდან - პედაგოგიური სასწავლებლის სექტორის უფროსი; კითხულობდა ლექციებს ქართული ენისა და ლიტერატურის სწავლების მეთოდიკაში უმაღლეს სასწავლებელში (თბილისის სახელმწიფო უნივერსიტეტი, ზუგდიდის სამასწავლებლო ინსტიტუტი). ამ პერიოდში სისტემატურად აქვეყნებდა მეთოდურ-კრიტიკულ წერილებს გაზეთებსა და ჟურნალებში. ეკუთვნის მოთხრობები: (კრებული "მოთხრობები", 1948; "მწვერვალები", 1953; "მღვრიე ტალღებში", 1955; "მზე, ღიმილი და სიყვარული", 1964; "ბნელი კლდეების ხეობაში", 1968; "წაბლა", 1971), აგრეთვე გამოკვლევები ქართული ლიტერატურის სწავლების მეთოდიკის, ქართული საბავშვო ლიტერატურის საკითხებზე ("ქართული კლასიკური და თანამედროვე მწერლობის სწავლების საკითხები", 1968; "ქართული საბავშვო ლიტერატურა", 1978; "თანამედროვეობა, მწერალი და მოზარდითაობა", 1984). მიღებული აქვს მთავრობის ჯილდოები. ფილოლოგიის მეცნიერებათა დოქტორი (1968), პროფესორი (1971).

წყარო: ქართული საბჭოთა ენციკლოპედია: ტ. 11.-თბ., 1987.-გვ.88; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.326-331

• საქართველოს საბჭოთა მწერლების კავშირი, წევრი (1936-)
• სკკპ, წევრი (1942-)

• 1979 - საქართველოს მეცნიერებათა დამსახურებული მოღვაწე

• თანამედროვეობა, მწერალი და მოზარდი თაობა (ავტორი). - თბილისი, ნაკადული, 1982. - 251გვ.
• კლასიკური და თანამედროვე ლიტერატურის სწავლების საკითხები (ავტორი). - თბილისი, განათლება, 1968. - 251გვ.
• მოთხრობები (ავტორი). - თბილისი, საბლიტგამი, 1948. - 188გვ.
• ბუთულა : მოთხრობა (ავტორი). - თბილისი, პოლიგრაფკომბინატი, 1937. - 71გვ.
• გმირები : რომანი (ავტორი). - თბილისი, ფედერაციას გამომცემლობა და სტ., 1937. - 290გვ.