ნიკოლოზ თეთრუაშვილი

დაამთავრა თბილისის რეალური სასწავლებელი 1886 წელს, მიხეილის საარტილერიო სასწავლებელი 1889 და ნიკოლოზის გენერალური შტაბის აკადემია I თანრიგით 1899 წელს.

მონაწილეობდა რუსეთ-იაპონიისა (1904–1905) და პირველ მსოფლიო (1914–1918) ომებში. 1919 წელს დაინიშნა გენერალ ა. დენიკინის ოპერატიულ დაქვემდებარებაში მყოფი ურალის ცალკეული არმიის ურალ-ასტრახანის კორპუსის მეთაურად. მონაწილეობდა ურალის არმიის უკუქცევაში კასპიის სანაპიროს გასწვრივ. 1920 წლის აპრილში ფორტ ალექსანდროვსკში ტყვედ ჩაბარდა წითელ არმიას სიცოცხლის შენარჩუნების გარანტიით, თუმცა მალევე დახვრიტეს. დაჯილდოებულია ოქროს იარაღით, წმ. სტანისლავის, წმ. ანას, წმ. ვლადიმირის სხვადასხვა ხარისხის ორდენებით. რუსეთის იმპერიის არმიის გენერალ-მაიორი(1916).

წყარო: საქართველო: ენციკლოპედია: ტ. IV. -თბ., 2018. -გვ.16; events.mematiane.ge