ანზორ თოთაძე

დაბადების ადგილი: ქ. ზესტაფონი.

დაამთავრა საქართველოს სასოფლო-სამეურნეო ინსტიტუტის ეკონომიკისა და ორგანიზაციის ფაკულტეტი 1963 წელს.

1977–1990 წლებში მუშაობდა სხვადასხვა პარტიულ საპასუხისმგებლო თანამდებობაზე. 1991–2006 წლებში იყო საქართველოს მეცნიერებათა აკადემიის დემოგრაფიისა და სოციოლოგიური კვლევის ინსტიტუტის განყოფილების გამგე. 1998–2005 წლებში საქართველოს შრომის, ჯანმრთელობისა და სოციალური დაცვის სამინისტროს დემოგრაფიული დეპარტამენტის თავმჯდომარე. 1968–2005 წლებში ეწეოდა პედაგოგიურ მოღვაწეობას თბილისის სახელმწიფო უნივერსიტეტში. არის სამეცნიერო ჟურნალების "დემოგრაფიის" (1999 წლიდან) და კავკასიის საერთაშორისო უნივერსიტეტის "მაცნეს" (2012 წლიდან) მთავარი რედაქტორი. საქართველოს დემოგრაფიული აღორძინების ფონდის დაარსების ერთ-ერთი ინიციატორი (2013). ანზორ თოთაძის სამეცნიერო შრომები ეძღვნება საქართველოს ეკონომიკის, სოციოლოგიის, საქართველოს და კავკასიის დემოგრაფიის საკითხებს. მის სახელს უკავშირდება საქართველოში ისტორიული დემოგრაფიისა და დემოგრაფიული პუბლიცისტიკის განვითარება. ანზორ თოთაძის ზოგიერთი ნაშრომი გამოცემულია უცხოეთში - რუსეთში, აშშ-სა და აზერბაიჯანში. ეკონომიკის მეცნიერებათა დოქტორი (1995), პროფესორი (2002). დემოგრაფი.

წყარო: წყარო: საქართველო: ენციკლოპედია: ტ. IV. -თბ., 2018. -გვ.81; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.281

• 2011 - დავით აღმაშენებლის სახელობის პრემია
• 2010 - დავით აღმაშენებლის სახელობის პრემია
• 1999 - ღირსების ორდენი
  საქართველოში დემოგრაფიული მეცნიერების განვითარებაში შეტანილი პირადი დიდი წვლილისათვის, ნაყოფიერი სამეცნიერო-პედაგოგიური, საზოგადოებრივი და პუბლიცისტური მოღვაწეობისათვის

• რაჭა-ლეჩხუმისა და ქვემო სვანეთის მოსახლეობა (ავტორი). - თბილისი, უნივერსალი, 2013. - 54გვ.
• ოსები საქართველოში : მითი და რეალობა (ავტორი). - თბილისი, უნივერსალი, 2006. - 111გვ.
• საქართველოს მოსახლეობა (ავტორი). - თბილისი, სამშობლი, 1993
• საქართველოს დემოგრაფიული პორტრეტი : "რამდენი ქართველია მსოფლიოში? ვიყავით თუ არა ოდესმე 12 მილიონი? აფხაზეთის მოსახლეობა, ოსები საქართველოში, ქალი თუ ვაჟი?" (ავტორი). - თბილისი, სამშობლი, 1993. - 288გვ.