ლევან თორთლაძე

დაბადების ადგილი: ქ. ქუთაისი.

დაამთავრა ქ. იჟევსკის (რუსეთი) სასოფლო-სამეურნეო ინსტიტუტი 1971 წელს.

1976–1978 წლებში მოღვაწეობდა მოსკოვში საკავშირო მეცხოველეობის სამეცნიერო-კვლევით ინსტიტუტში. 1974–1989 წლებში ეკავა სხვადასხვა თანამდებობა უდმურტეთის რესპუბლიკაში. 1989 წლიდან მუშაობდა საქართველოს ზოოტექნიკურ-სავეტერინარო უნივერსიტეტში რძისა და ძროხის ხორცის წარმოების ტექნოლოგიის კათედრაზე, 2002 წლიდან იყო ამავე კათედრის გამგე. 2006 წლიდან არის საქართველოს აგრარული უნივერსიტეტის კერძო ზოოტექნიკის დეპარტამენტის უფროსი. მან შეისწავლა საქართველოში შემოყვანილი მსოფლიოში განთქმული ძროხის მაღალპროდუქტიული ჯიშების აკლიმატიზაციის საკითხები, ძროხის რძისა და ხორცის წარმოების ტექნოლოგია და სხვ. 2006 წლიდან ლევან თორთლაძე არის სომხეთის სახელმწიფო აგრარული უნივერსიტეტის საპატიო დოქტორი. არის მრავალი სამეცნიერო ნაშრომის და 3 სახელმძღვანელოს ავტორია. აქვს 2 პატენტი გამოგონებაზე. მიღებული აქვს სახელმწიფო ჯილდოები. სოფლის მეურნეობის მეცნიერებათა დოქტორი (1998), პროფესორი (2004), ზოოტექნიკოსი. 

 წყარო: საქართველო: ენციკლოპედია: ტ. IV. -თბ., 2018. -გვ.93

• საქართველოს მეცხოველეთა კავშირი, ვიცე–პრეზიდენტი
• საქართველოს ხორცისა და თევზის მეწარმეთა კავშირი , ვიცე-პრეზიდენტი (2011-)

• 2002 - ღირსების ორდენი
• შვედეთის სამეფო ოჯახის მედალი
  სოფლის მეურნეობის სამინისტროს შვედეთის დახმარების პროგრამის პროექტის განხორციელებაში მონაწილეობისათვის

• რძისა და ხორცის წარმოების სახელმძღვანელო (კატალოგი) : ფერმერთათვის და მეცხოველე სპეციალისტებისათვის (ავტორი). - თბილისი, უნივერსალი, 2013. - 78გვ.
• მეძროხეობა : სარძეო ძროხის მომშენებელი ფერმერებისათვის (შემდგენელი). - თბილისი, 2010. - 36გვ.
• მეღორეობა (შემდგენელი). - თბილისი, 2010. - 40გვ.
• ტბორში თევზის გამოზრდის ტექნოლოგია კვების საფუძვლებით : სახელმძღვ. აგრ. უნ-ტის სტუდ. (რედაქტორი). - თბილისი, გლობალ პრინტი+, 2010. - 189გვ.