ალექსანდრე ჩიქოვანი

დაბადების ადგილი: სოფელი ზემო ხანდაკი, კასპის რაიონი.

დაამთავრა პეტროგრადის გზათა მიმოსვლის ინჟინრების ინსტიტუტი 1922 წელს.

1922-1930წწ. მუშაობდა ზაჰესისა და რიონჰესის მშენებლობის საპროექტო ბიუროების უფროსად; 1931-1937წწ. იყო ხრამჰეს-1-ის მშენებლობის მთავარი ინჟინერი, იმავდროულად ჰესების დაპროექტებისა და მშენებლობის ამიერკავკასიის ტრესტის მთავარი ინჟინერი და მმართველი. მნიშვნელოვანი წვლილი აქვს შეტანილი ზაჰესის, რიონჰესისა და ხრამჰეს-1-ის მშენებლობის საქმეში. ლექციებს კითხულობდა საქართველოს პოლიტექნიკურ და თბილისის რკინიგზის ტრანსპორტის ინჟინრების ინსტიტუტებში. გამოქვეყნებული აქვს ნაშრომი "მასალათა გამძლეობისა და გრაფიკული სტატისტიკის საფუძვლების ამოცანათა კრებული (თბილისი, 1933). ინჟინერ-ჰიდრო-ენერგეტიკოსი, პროფესორი (1931). სტალინური რეპრესიების მსხვერპლი, რეაბილიტირებული.

წყარო: ქართული საბჭოთა ენციკლოპედია: ტ. 11.-თბ., 1987.-გვ.142; სტალინური სიები საქართველოდან: nplg.gov.ge; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.382

• მასალათა გამძლეობის და გრაფიკული სტატიკის საფუძვლების ამოცანათა კრებული (ავტორი). - ტფილისი, ტექნიკა და შრომა, 1933. - 300გვ.