ალექსანდრე თუთბერიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიის ფაკულტეტი 1958 წელს.

1958 წლიდან მუშაობს ფ. თავაძის სახელობის მეტალურგიისა და მასალათმცოდნეობის ინსტიტუტში, ლითონთა წნევით დამუშავების ლაბორატორიაში. 1989–2006 წლებში  ხელმძღვანელობდა ამავე ლაბორატორიას. პარალელურად (1988–2002), პედაგოგიურ საქმიანობას ეწეოდა საქართველოს პოლიტექნიკური ინსტიტუტის ლითონების წნევით დამუშავების კათედრაზე. 2010 წლიდან მეტალურგიის სამეცნიერო-კვლევითი ინსტიტუტის მთავარი მეცნიერი თანამშრომელია. მისი სამეცნიერო კვლევის მიმართულებაა ლითონების წნევით დამუშავება, მილების გლინვის პროცესების თეორიისა და ტექნოლოგიური რეჟიმების კვლევა-დამუშავება. გამოცემული აქვს დამხმარე სახელმძღვანელოები საქართველოს ტექნიკური უნივერსიტეტის მეტალურგიული ფაკულტეტის სტუდენტებისათვის. ტექნიკურ მეცნიერებათა დოქტორი (1994), პროფესორი (2004), მეტალურგი.

წყარო: საქართველო: ენციკლოპედია: ტ. IV. -თბ., 2018. -გვ.115; ფერდინანდ თავაძის მეტალურგიისა და მასალათმცოდნეობის ინსტიტუტი: mmi.ge

• ფერადი ლითონებისა და მათი შენადნობების გლინვა : თეორიისა და ტექნოლოგიის საფუძვლები (ავტორი). - თბილისი, 2003. - 104გვ.
• მილების გლინვის თეორია : დამხმ. სახელმძღვ. (ავტორი). - თბილისი, 1989. - 67გვ.
• ლითონების წნევით დამუშავების თეორია : დამხმ. სახელმძღვ. (ავტორი). - თბილისი, 1987. - 117გვ.