ბორის ღოღობერიძე

დაბადების ადგილი: ქ. ქუთაისი.

დაამთავრა ნოვოროსიის (ოდესის) უნივერსიტეტის სამკურნალო ფაკულტეტი 1908 წელს.

1921 წელს დაბრუნდა საქართველოში. 1920-1922წწ. დროებით ხელმძღვანელობდა თბილისის სახელმწიფო უნივერსიტეტის პათოლოგიური ანატოომიისა და სასამართლო მედიცინის კათედრას. 1932 წლიდან იყო პედიატრიის, ხოლო 1942 წლიდან გარდაცვალებამდე პედიატრიის, სან-ჰიგიენისა და სტომატოლოგიის ფაკულტეტების მეანობა-გინეკოლოგიის კათედრის გამგე. 1924-1925წწ. საქართველოში პირველმა გამოიყენა სისხლის გადასხმა მეან-გინიკოლოგიის დაავადებათა დროს. შეისწავლიდა მშობიარობის გაუტკივარების, ქალის უნაყოფობის, სისხლის გადასხმის საკითხებს. მისი ხელმძღვანელობით კლინიკაში მზადდებოდა სამკურნალო (ანტილუეინური, ანტიოვრიული, ანტიტესტიკულარული) შრატები. შეადგინა მეანობის პირველი სახელმძღვანელო ქართულ ენაზე. მეან-გინეკოლოგი, სამეანო-გინეკოლოგი, სკოლის ერთ-ერთი ფუძემდებელი საქართველოში, მედიცინის მეცნიერებათა დოქტორი (1919), პროფესორი (1930). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.598

• 1944 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• მრავალნაყოფიანი ორსულობა. (ავტორი). - თბილისი, საქმედგამი, 1951. - 16გვ.
• მუცლის ღრუში ორსულობის საკითხისათვის (ავტორი). - ტფილისი, პოლიგრაფტრ. 1-ლი სტ., 1930. - 305-312გვ.
• საშვილოსნოს დამატებით რქაში Haematometr-ის დიაგნოზისათვის. (ავტორი). - ტფილისი, პოლიგრაფტრ. 1-ლი სტ., 1929. - 275-283გვ.