თეოდორე (მიტროპოლიტი)

დაბადების ადგილი: ქ. სიღნაღი.

საქართველოს პოლიტექნიკური ინსტიტუტის სამშენებლო ფაკულტეტის დამთავრების შემდეგ (1990) ჩაირიცხა ახალციხის სასულიერო სემინარიაში.

1991 წლის 22 თებერვალს აღიკვეცა ბერად, ამავე წლის 2 ივნისს – ბერ-დიაკვნად, 8 სექტემბერს კი – მღვდელ-მონაზვნად ეკურთხა. 1993 წლიდან საფარის მამათა მონასტრის წინამძღვარია. 1993 წელს მიენიჭა იღუმენის, ხოლო 1996 წელს –არქიმანდრიტის პატივი. 1996 წლის 27 ოქტომბერს სრულიად საქართველოს კათოლიკოს-პატრიარქმა ილია II-მ სინოდის თანამწირველობით თეოდორე მიტროპოლიტი ბოდბელ ეპისკოპოსად აკურთხა. 1998 წლიდან თეოდორე მიტროპოლიტი იყო ახალციხისა და ტაო-კლარჯეთის ეპარქიის მმართველი, 2004–2005 წლებში – თბილისის სასულიერო აკადემიის და სემინარიის რექტორი, 2005 წლის თებერვლიდან – საქართველოს კათოლიკოს-პატრიარქის ქორეპისკოპოსი. 2003 წელს მთავარეპისკოპოსის, ხოლო 2006 წელს მიტროპოლიტის პატივი მიენიჭა. სასულიერო მოღვაწე.

წყარო: საქართველო : ენციკლოპედია : georgianencyclopedia.ge; საქართველო: ენციკლოპედია: ტ. IV. -თბ., 2018. -გვ.41

• 2007 - წმინდა გიორგის I ხარისხის ორდენი