სერგო თვალაბეიშვილი

დაბადების ადგილი: სოფელი საპაიჭაო, ახლანდელი ვანის მუნიციპალიტეტი.

1921–1924 წლებში იყო საქართველოს ეროვნულ-განმათავისუფლებელი მოძრაობის ერთ-ერთი ლიდერი დასავლეთ საქართველოში. 1918–1921 წლებში იყო  საქართველოს სახალხო გვარდიის ვანის რაიონის შტაბის ერთ-ერთი ხელმძღვანელი. ბოლშევიკური რუსეთის მიერ საქართველოს დემოკრატიული რესპუბლიკის ოკუპაციისა და საქართველოს ფაქტობრივი ანექსიის(1921 თებერვალი-მარტი) შემდეგ აქტიურად ჩაება ეროვნულ-განმათავისუფლებელ მოძრაობაში. 1922–1924 წლებში იყო საქართველოს დამოუკიდებლობის კომიტეტის სამხედრო ცენტრის რწმუნებული ვანის რაიონში, სადაც ხელმძღვანელობდა 1924 წლის აგვისტოს ეროვნული აჯანყებისთვის (აგვისტოს აჯანყება 1924) მზადებას. აჯანყების ჩახშობის შემდეგ, 1924 წლის სექტემბერში, დააპატიმრა საქართველოს სსრ "საგანგებო კომისიამ"(ე. წ. "ჩეკამ"). გათავისუფლების შემდეგ, 1925–1927 წლებში, ეწეოდა არალეგალურ პოლიტიკურ მოღვაწეობას. ხელმძღვანელობდა საქართველოს სოციალურ-დემოკრატიული პარტიის რაიონულ იატაკქვეშა ორგანიზაციას. მოკლულ იქნა "ჩეკას" მიერ 1927 წელს. საზოგადო და პოლიტიკური მოღვაწე.

წყარო: საქართველო: ენციკლოპედია: ტ. IV. -თბ., 2018. -გვ.56; georgianencyclopedia.ge

• საქართველოს სოციალ-დემოკრატიული (მენშევიკური) პარტია, წევრი (1917-)