ზაქარია ჩოდრიშვილი

დაბადების ადგილი: სოფელი ვაქირი, სიღნაღის რაიონი.

მუშაობდა ამიერკავკასიის რკინიგზის თბილისის მთავარ სახელოსნოებში, საიდანაც გაფიცვაში მონაწილეობისათვის დაითხოვეს. 1890-1893 წლებში ბათუმში მუშაობდა. 1893 წელს კვლავ თბილისში იყო. ამავე წელს თ. აფანასიევის წრეში შევიდა. 1898- 1901 წლებში თბილისის მუშათა გაფიცვების, მაისობებისა და დემონსტრაციების ერთ-ერთი ორგანიზატორი და ხელმძღვანელი იყო. მან დიდი როლი ითამაშა ბათუმის, ფოთისა და ახალი სენაკის პარტიულ ორგანიზაციებში მენშევიკების გამთიშველი მოქმედების მხილებისა და რსდმპ III ყრილობის მოწვევისათვის ბრძოლის საქმეში. მონაწილეობდა  1905-1907 წელების რევოლუციაში. ხელმძღვანელობდა პარტიული ლიტერატურის გამოცემას, რევოლუციური მოღვაწეობისათვის არაერთხელ დააპატიმრეს. გარდაიცვალა ხერსონის გუბერნიაში ნიკოლაევის საკატორღო ციხეში. რევოლუციური მოძრაობის მონაწილე საქართველოში.

წყარო: ქართული საბჭოთა ენციკლოპედია: ტ. 11.-თბ., 1987.-გვ.146

• თბილისის ბოლშევიკების ლიტერატურული ბიურო, წევრი