იოსებ ჩოდრიშვილი

დაბადების ადგილი: სოფელი ქვემო მაჩხაანი, სიღნაღის რაიონი.

დაამთავრა თბილისის სატყეო ტექნიკური ინსტიტუტი 1930 წელს.

1930-1966 წლებში სხვადასხვა ხელმძღვანელ სამეცნიერო და სამეურნეო სამუშაოზე იყო. 1966 წელს საქართველოს სსრ მინისტრთა საბჭოს სატყეო მეურნეობის სახელმწიფო კომიტეტის თავმჯდომარედ მუშაობდა. 1970 წლიდან საკავშირო მნიშვნელობის პერსონალური პენსიონერია. შეისწავლა საქართველოში კაკლის კულტურის გაშენების, მსხმოიარობის პერიოდულობისა და ჭალაში ალვის ხის გაშენების საკითხები. ქართველი საბჭოთა მეტყევე-ინჟინერი. სოფლის მეურნეობის მეცნიერებათა კანდიდატი (1979). ფსევდონიმით გამოქვეყნებული აქვს საბავშვო ლექსების 5 კრებული. სიღნაღის მუნიციპალიტეტის 2023 წლის 28 მარტის გადაწყვეტილებით სოფელ ვაქირის ერთერთი ქუჩა იოსებ ჩოდრიშვილის სახელს ატარებს.

წყარო: ქართული საბჭოთა ენციკლოპედია: ტ. 11.-თბ., 1987.-გვ.146; იოსებ ჩოდრიშვილი : საქართველოს ტყეების დიდი ამაგდარი, მწვანე განძის დიდოსტატი, გამოჩენილი სამეურნეო ხელმძღვანელი... / ტრისტან ჩერქეზიშვილი // სატყეო მოამბე : საერთაშორისო რეფერირებული სამეცნიერო-პრაქტიკული ჟურნალი.- თბილისი, 2011.- აგვისტო.- N 4.-გვ. 145-147; ტყის დარაჯი: facebook.com

• სკკპ, წევრი (1926-)

• 1961 - საქართველოს დამსახურებული ინჟინერი
• საპატიო ნიშნის ორდენი
• წითელი ვარსკვლავის ორდენი
• შრომის წითელი დროშის ორდენი (2 ორდენი)

• კაკალი საქართველოში (ავტორი). - თბილისი, საბჭ. საქართველოში, 1983. - 143გვ.
• მოდით, მოფრინდით, ჩიტებო! : ლექსები უმცრ. სასკ. ასაკის ბავშვებისათვის (ავტორი). - თბილისი, ნაკადული, 1982. - 47გვ.
• ყაყაჩოები : ლექსები - უმცრ. ასაკის ბავშვებისათვის (ავტორი). - თბილისი, ნაკადული, 1976. - 58 გვ.
• ნუ გაფრინდები ჩიტუნავ! : ლექსები. სკოლამდელი ასაკის ბავშვთათვის (ავტორი). - თბილისი, ნაკადული, 1969. - 23გვ.
• გაიცინა ცამ და მიწამ : ლექსები სკოლამდელ ასაკის ბავშვებისათვის (ავტორი). - თბილისი, ნაკადული, 1967. - 41გვ.