გარსევან ჩოლოყაშვილი

XVI საუკუნის ქართველი პოეტი და სახელმწიფო მოღვაწე, სახლთუხუცესი. დიდი გავლენით სარგებლობდა ლევან კახთა მეფის (1520-74) კარზე. არჩილ II ცნობით, მას ეკუთვნის "ხილთა ქება" და სატრფიალო ლექსები. იოანე ბაგრატიონი მას "ნარგიზიანი წიგნის" გამლექსავად მიიჩნევდა. "ნარგიზოვანს" ჩოლოყაშვილს მიაკუთვნებდა კ. კეკელიძეც, მაგრამ ა. ბარამიძემ დაასაბუთა, რომ კრებული დაწერილია XVIII საუკუნის შუა წლების შემდეგ. მისი პოეტური მემკვიდრეობიდან ჩვენამდე მოაღწია მხოლოდ "ხილთა ქებამ". ზოგი მკვლევარი მას  XVII საუკუნის მოღვაწედ მიიჩნევს.

 წყარო: ქართული საბჭოთა ენციკლოპედია: ტ. 11.-თბ., 1987.-გვ.147