ვლადიმერ თვალიაშვილი

დაბადების ადგილი: ქ. ქუთაისი.

დაამთავრა საქართველოს ზოოტექნიკურ-სავეტერინარო სასწავლო-კვლევითი ინსტიტუტი 1976 წელს.

1985 წლიდან იყო ამავე ინსტიტუტის ქირურგიის კათედრის გამგე; 1997–2004 წლებში ტაბახმელის ბიოკომბინატის გენერალური დირექტორი; 2006–2010 წლებში საქართველოს აგრარული უნივერსიტეტის არაგადამდებ სნეულებათა დეპარტამენტის უფროსი. 2010 წლიდან არის ამავე უნივერსიტეტის სავეტერინარო ფაკულტეტის სრული პროფესორი. მის ნაშრომებში გაშუქებულია რქოსანი პირუტყვის თავის ტვინის ზოგიერთი ნერვის ანგიოარქიტექტონიკა, ენის, ხახის, ხორხის ნერვების ანატომიის საკითხები. ავტორია სამეცნიერო ნაშრომებისა და 2 სახელმძღვანელოსი. მიღებული აქვს სახელმწიფო ჯილდოები. ვეტერინარიის მეცნიერებათა დოქტორი (1999), პროფესორი (2004), ვეტერინარი ექიმი.

წყარო: საქართველო: ენციკლოპედია: ტ. IV. -თბ., 2018. -გვ.57; georgianencyclopedia.ge; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.241

• ნიუ-იორკის მეცნიერებათა აკადემია , წევრი (2000-)

• 2002 - ღირსების ორდენი